យុវតីអង់គ្លេសដែល ស្លាប់នៅកោះរុងឆ្នាំមុនត្រូវ បានគេរកឃើញថា ត្រូវគេដាក់ ថ្នាំរួចហើយរំលោភសម្លាប់បំបិទភស្ដតាង
ភ្នំពេញ៖ របាយការណ៍ប្រព័ន្ធផ្សព្វផ្សាយចក្រភពអង់គ្លេសបានបង្ហាញជាថ្មីនូវអាថ៌កំបាំង នៃការស្លាប់ដ៏គួរឱ្យសោកស្តាយរបស់អ្នកធ្វើដំណើរជនជាតិអង់គ្លេស គឺយុវតី Amelia Bambridge ក្នុងឆ្នាំ២០១៩ ដែលសាកសពរបស់នាងត្រូវបានគេរកឃើញអណ្តែតនៅឈូង សមុទ្រថៃបន្ទាប់ពីនាងបានបាត់ខ្លួនបន្ទាប់ពីមាន ពិធីជប់លៀងមួយនៅលើឆ្នេរប៉ូលិ៏សរបស់កោះរុង។
យោងតាមការសែត The Mirror បានឲ្យដឹងថាការធ្វើតេស្តិ៍គីមីវិទ្យានៅចក្រភពអង់គ្លេសបានបង្ហាញថា ការធ្វើកោសលវិច្ឆ័យបាន រកឃើញថ្នាំ GHB ដែល ជាថ្នាំសណ្តំនៅក្នុងរាងកកាយរបស់នាង ដែលជាទូទៅត្រូវ បានជនបំណងអាក្រក ប្រើប្រាស់ ដើម្បីដាក់លើនារី ក្នុងគោលបំណងរំលោភ ដែលធ្វើឱ្យមានការសង្ស័យថា នាងត្រូវបានគេដាក់ថ្នាំ មុនពេល នាងស្លាប់។ ថ្នាំញៀនសប្បាយ MDMA និងថ្នាំសណ្តំ MDA ក៏ត្រូវ បានគេរកឃើញផងដែរ ប៉ុន្តែក្រុមគ្រួ សាររបស់នាង បានអះអាងថា នាងគ្មានផ្លូវលេបថ្នាំ ទាំងនោះទេ។
អ្នកនាំពាក្យប៉ូលិ៏សអង់គ្លេស បាននិយាយថា៖ គ្រួសាររបស់នាងបានស្នើសុំឲ្យប៉ូលីសប្រគល់សំណាកដែលត្រូវ បានពិនិត្យទៅឲ្យពួកគេ។ ដោយ មានជំនួយពីប៉ូលីសក្រុង Susex ដែលបានផ្តល់ថវិកា ដល់ការធ្វើតេស្ដគីមីវិទ្យា សំណាកត្រូវបានពិនិត្យនិងបង្ហាញពីវត្តមានរបស់ MDMA, MDA និង GHB ។
លទ្ធផល នៃការធ្វើតេស្តនេះត្រូវបានបញ្ជូនទៅនគរបាលកម្ពុជា ជាច្រើនខែកន្លងមកហើយ ប៉ុន្តែក្រុមគ្រួសារ របស់ Amelia មិនបានទទួលការ ឆ្លើយតបពី នគរបាល កម្ពុជានោះទេ។
មន្ត្រីនគរបាលកម្ពុជា និយាយថា៖. ពួកគេមិនបានទទួលឯកសារណាមួយពីក្រុមគ្រួសាររបស់ Amelia ទេ ហើយបានបដិសេធ មិនធ្វើអត្ថាធិប្បាយ។
កត្តានេះ បានជះចំណាប់អារម្មណ៍មកលើ ឆ្នេរប៉ូលីស ដ៏ល្បីល្បាញ នៃកោះរ៉ុង ដែលជាកន្លែងនៅតែមាន មនុស្ស ជប់លៀងកុះករ បើទោះបី ជាមានបម្រាមមិន ឲ្យ មានមនុស្ស ជួបជុំលើសពី២០នាក់ ដើម្បីការពារ ការ ឆ្លងរាលដាល នៃជំងឺកូវីដ-១៩ ក៏ដោយ។
ពិធីជប់លៀងទាំងនេះល្បីថា ជាបណ្តុំនៃការប្រើ ប្រាស់គ្រឿងញៀន និងអាកប្បកិរិយាខុសច្បាប់ដទៃទៀត ដែលហាក់ដូចជារីកដុះដាលនៅក្រោមច្រមុះរបស់អាជ្ញាធរមូលដ្ឋាន។
ម្ដាយរបស់ Amelia គឺអ្នកស្រី លីនដា បាននិយាយថា៖ ខ្ញុំជឿជាក់ថា មានការលាក់បាំងមួយ ចំនួន។ Amelia មិនមែនជាអ្នកប្រើគ្រឿងញៀនទេ នាងមិនបានសេពគ្រឿងញៀននៅចក្រភពអង់ គ្លេស ទេ។ នាងដឹងខ្លួនណាស់នាងមិនដែលផឹករហូតដល់នាងមិនដឹងថានាងកំពុងធ្វើអ្វីនោះដែរ។
លោកស្រីបន្តថា៖ ខ្ញុំគិតថាភេសជ្ជៈរបស់នាងត្រូវបានគេដាក់ថ្នាំ។ ខ្ញុំគិតថា វាធ្វើឱ្យនាងមានអារម្មណ៍មិនស្រួលហើយនាងក៏បានចុះទៅកន្លែងថ្មខាងក្រោមដើម្បីអង្គុយមួយភ្លែត ហើយត្រូវបានខ្យល់បក់ឲ្យដួលឬដួលសន្លប់។ យើងមិនដឹងថា មានអ្វីកើតឡើងនៅ លើកោះទាំងនេះទេ។ មិនមានស្ថានីយ៍ប៉ូលីសនៅកោះរ៉ុង មិនមានសេវាកម្មបន្ទាន់ ពោលគឺមិនមានអ្វីទាំងអស់ក្រៅពីផ្ទះសំណាក់ដែលរៀបចំពិធីជប់លៀងលើឆ្នេរនោះដែរ ។ គឺអ្វីៗកើតឡើងសុទ្ធតែមានគម្រោងទុកមុនទាំងអស់ ៕ សំរិត
