ផ្លូវលេខ៣៦៧ សង្កាត់ច្បារអំពៅទី១ និងបណ្ដាផ្លូវជាច្រើនខ្សែឯទៀត ពិសេសផ្លូវជុំវិញពេទ្យច្បារអំពៅ កំពុងក្លាយជាកន្លែងលក់ដូរគុយទាវកាហ្វេ, លក់ហ្វឺ និងហាងលក់ដូរចំណីអាហារផ្សេងៗ ជាច្រើនមុខទៀត បង្កការកកស្ទះចរាចរណ៍
ភ្នំពេញ៖បើយោងតាមសេចក្ដីរាយការណ៍ពីមហាជនកាលពីព្រឹកថ្ងៃទី១១ខែមករាឆ្នាំ២០២១នេះគឺផ្លូវលេខ៣៦៧សង្កាត់ច្បារអំពៅទី១និងបណ្ដាផ្លូវជាច្រើនខ្សែឯទៀតពិសេសផ្លូវជុំវិញពេទ្យច្បារអំពៅកំពុងក្លាយជាកន្លែងលក់ដូរគុយទាវកាហ្វេ,លក់ហ្វឺនិងហាងលក់ដូរចំណីអាហារផ្សេងៗជាច្រើនមុខទៀតនិងកន្លែងលាងម៉ូតូជាដើមដែលបង្កការលំបាល់ជាខ្លាំងដល់អ្នកដំណើរតាមមធ្យោបាយនានាពេលឆ្លងកាត់ទីនេះដើម្បីឆ្ពោះទៅបម្រើការងារឬទៅប្រកបមុខរបរផ្សេងៗនៅកណ្ដាលទីក្រុងភ្នំពេញជារៀងរាល់ថ្ងៃនេះ។ប៉ុន្តែដោយមិនរំខានដំណេកលោកចៅសង្កាត់និងលោកមេប៉ុស្ដិ៍ច្បារអំពៅទី១ឡើយ។
សេចក្ដីរាយការណ៍ដដែលបន្តទៀតថាចំពោះផ្លូវថ្នល់ដែលស្ថាបនាឡើងគឺដើម្បីប្រើប្រាស់ក្នុងការធ្វើដំណើរតាមមធ្យោបាយនានាមិនមែនស្ថាបនាផ្លូវថ្នល់ទុកសម្រាប់បើហាងលក់ដូរចំណីអាហារយ៉ាងអាណាធិបតេយ្យដូចលោកចៅសង្កាត់នោះទេហើយម្យ៉ាងទៀតការយកផ្លូវថ្នល់សាធារណៈមកធ្វើជាកន្លែងលក់ដូរដូចនេះវាអាក្រក់មើលណាស់ហើយមហាជនទូទៅគាត់ធ្វើការរិះគន់ដោយមិនសំចៃមាត់ផងដែរចំពោះការបណ្ដែតបណ្ដោយពីសំណាក់អាជ្ញាធរសង្កាត់អោយគេយកផ្លូវថ្នល់មកធ្វើអាជីវកម្មបើកហាងលក់ដូរចំណីអាហារបែបនេះហើយម្យ៉ាងទៀតនៅពេលអ្នកចូលទៅហូបចំណីអាហារតាមហាងខាងលើនោះដោយឈប់ចតម៉ូតូឬឡានច្រង៉េងច្រង៉ាងពាសពេញផ្លូវបង្កការកកស្ទះចរាចរណ៍ដោយបាត់បង់សណ្ដាប់ធ្នាប់សាធារណៈនៃទីក្រុងគុជផងដែរ។ដូចនេះមហាជនគាត់ស្នើរសុំដល់ថ្នាក់លើឬក្រុមការងារចុះជួយសង្កាត់ច្បារអំពៅទី១មេត្តាជួយចុះពិនិត្យមើលបញ្ហានេះផងចៀងមហាជនគាត់រិះគន់។បើពឹងលោកចៅសង្កាត់និងលោកមេប៉ុស្ដិ៍ដូចពឹងផ្កាយលើមេឃអ៊ីចឹងពោលគឺមិនដឹងយកភ្នែកទុកនៅឯណា…ទំនងបានផលប្រយោជន៍ឬបានលាភសក្ការៈពីកន្លែងលក់ដូរទាំងអស់នោះទេដឹងបានមិនខ្ចីចុះធ្វើរៀបចំសណ្ដាប់ធ្នាប់សោះ???។
គួបញ្ជាក់ផងដែរថាមូលដ្ឋានខណ្ឌច្បារអំពៅក្រោមការដឹកនាំដ៏ឈ្លាសវៃពីសំណាក់លោកចេង មុនីរ៉ា ជាអភិបាលខណ្ឌបានធ្វើអោយខណ្ឌច្បារអំពៅប្រែមុខមាត់ថ្មីដោយមានការអភិវឌ្ឍន៍រីកចម្រើនស្ទើរគ្រប់វិស័យនិងរក្សាការពារសន្តិសុខសណ្ដាប់ធ្នាប់ក្នុងមូលដ្ឋានជូនប្រជាជនរស់នៅប្រកបដោយភាពកក់ក្ដៅផងដែរ។ប៉ុន្តែចៅសង្កាត់មួយចំនួនអសកម្មការងាររបស់ខ្លួនដោយមិនសូវបំពេញការងារសង្គមក្នុងមូលដ្ឋានខ្លួនគ្រប់គ្រងឡើយ៕
