វិមានក្រឹមឡាំង និយាយថា ការដាក់ទណ្ឌកម្មថ្មី របស់អាមេរិក លើការវាយប្រហារគីមី មិនស្របច្បាប់

ប្រធានាធិបតីរុស្ស៊ី លោកវ្លាឌីមៀរពូទីន (Vladimir Putin) បានជួបសន្ទនា ជាមួយក្រុមបាល់ទាត់ជាតិ អំឡុងពិធីប្រគល់វិញ្ញាបនបត្រ នៅវិមានក្រឹមឡាំងនាថ្ងៃទី 28 ខែកក្កដាឆ្នាំ 2018 នៅទីក្រុងម៉ូស្គូ ប្រទេសរុស្ស៊ី

រុស្ស៊ីបាននិយាយកាលពីថ្ងៃសុក្រថា ការដាក់ទណ្ឌកម្មថ្មីរបស់អាមេរិក លើក្រុងម៉ូស្គូ លើការវាយប្រហារភ្នាក់ងារប្រសាទ ដែលត្រូវបានចោទប្រកាន់ កាលពីប្រាំខែមុន គឺ “មិនស្របច្បាប់”។

វិមានក្រឹមឡាំង បាននិយាយនៅក្នុងសេចក្តីថ្លែងការណ៍មួយថា ប្រធានាធិបតីរុស្ស៊ី លោកវ្ល៉ាឌីមៀរពូទីន បានពិភាក្សាអំពីបញ្ហា នៃការដាក់ទណ្ឌកម្មថ្មី របស់អាមេរិក នៅឯកិច្ចប្រជុំមួយ ជាមួយសមាជិកក្រុមប្រឹក្សាសន្តិសុខ របស់ប្រទេសកាលពីថ្ងៃសុក្រ។

សេចក្តីថ្លែងការណ៍បាននិយាយថា “ភាពខុសច្បាប់សរុប នៃសកម្មភាពបែបនេះ ពីចំណុចនៃច្បាប់អន្តរជាតិ ត្រូវបានគូសបញ្ជាក់” ។

ក្រសួងការបរទេសសហរដ្ឋអាមេរិក កាលពីថ្ងៃពុធ បានប្តេជ្ញាចាត់វិធានការដាក់ទណ្ឌកម្ម ប្រឆាំងនឹងទីក្រុងម៉ូស្គូ ចំពោះការវាយប្រហារភ្នាក់ងារសរសៃប្រសាទ ដែលចោទប្រកាន់ ទៅលើជនសង្ស័យរុស្ស៊ី ឈ្មោះ Sergei Skripal និងកូនស្រីរបស់គាត់ឈ្មោះ Yulia នៅទីក្រុង Salisbury ប្រទេសអង់គ្លេស កាលពីខែមីនា។

ប្រទេសរុស្ស៊ី​ បានបដិសេធការចោទប្រកាន់នេះ ហើយបានទាមទារ ឱ្យមានការចូលរួម ដោយផ្ទាល់នៅក្នុងការស៊ើបអង្កេត។

កាលពីថ្ងៃព្រហស្បតិ៍ អ្នកនាំពាក្យវិមានក្រឹមឡាំង លោក Dmitry Peskov បានរិះគន់ ការសម្រេចចិត្តរបស់អាមេរិក លើទណ្ឌកម្មថ្មី និងអ្នកនាំពាក្យក្រសួងការបរទេសរុស្ស៊ី ម៉ារៀហ្សាខារ៉ាវ៉ា បាននិយាយថា ក្រុងម៉ូស្គូ នឹងពិចារណាសងសឹកវិញ។

ក្រុមប្រឹក្សាសន្តិសុខរុស្ស៊ី ដែលជាស្ថាប័នពិគ្រោះយោបល់ សម្រាប់ប្រធានាធិបតី មានរដ្ឋមន្រ្តី រដ្ឋាភិបាលសំខាន់ៗ និងប្រមុខរដ្ឋាភិបាល។