ជើងខ្លាំង ខាងកីឡាគុនដាវ ជើងឯកជាតិឆ្នាំ២០២០
ភ្នំពេញ៖ព្រឹត្តិការណ៍ការណ៍ការប្រកួតជ្រើសរើសជើងឯកកីឡាគុនដាវថ្នាក់ជាតិឆ្នាំ២០២០ ត្រូវបានបញ្ចប់ដោយជោគជ័យក្នុងឳកាសនោះមានអញ្ជើញចូលរួមពិធិបិទពីសំណាក់ លោក ទុក ប៊ុនហឿន អនុប្រធាននាយកដ្ឋានអប់រំកាយ និងកីឡានិងលោក សុខ អាង អគ្គលេខាធិការសហព័ន្ធសហព័ន្ធកីឡាគុនដាវកម្ពុជា ។
នេះជាការប្រកួតដើម្បីស្វែងរកកីឡាករ កីឡាការិនីសម្រាប់ប្រមូលផ្ដុំក្នុងក្រុមជម្រើសជាតិ ដើម្បីហ្វឹកហាត់ឲ្យបានត្រឹមត្រូវតាមស្ដង់ដារសកលដើម្ពិត្រៀមចូលរួមប្រកូយកីឡាស៊ីហ្គេមលើកទី៣១នៅទីក្រុងហាណូយប្រទេសវៀតណាមនាចុងឆ្នាំ២០២១នេះ ។
លោក សុខ អាង បានប្រាប់ឲ្តដឹងថា មានក្លិបចំនួន៨ចូលរួមគឺហូសាណា ឥន្ទ្រទេវី ជាស៊ីមសាមគ្គី ក្លិបផេនដា ក្លិបអេលីត ក្លឹប Lame De Phnom Penh ក្លិបTom និងក្លិបវេស្ទើន ដែលមានអត្តពលិកសរុបចំនួន ៣៩នាក់ (កីឡាការិនី ៨នាក់ និងកីឡាករ ៣១នាក់)ប្រកួតក្នុង ៣វិញ្ញាសារ។
ចំពោះលទ្ធផលការប្រកួតវិញលើវិញ្ញាសាដាវកាប់ចម្រុះឯកត្តជនមេដាយមាសបានលើកីឡាការិនីឆាយលីនសីមេដាយប្រាក់បានលើកីឡាការិនី សន និច និងមេដាយសំរិទ្ធបានលើកីឡាករ ជន ចំរ៉ុង និងកីឡាករ ជន ចំរើន ។ វិញ្ញាសាដាវតូចចម្រុះឯកត្តជនមេដាយមាសបានលើកីឡាករ ខឿន ទីម៉ា មេដាយប្រាក់បានលើកីឡាករ មាស គីមឡេង និងមេដាយសំរិទ្ធបានលើកីឡាការិនី យី លីណា និងកីឡាករ ភារក្ស ភារិន ។
ចំណែកវិញ្ញាសាដាវធំចម្រុះឯកត្តជនមេដាយមាសបានលើកីឡាករ សារឿន ស័កនុ មេដាយប្រាក់បានលើកីឡាករ សុខ ច័ន្ទរិទ្ធី និងមេដាយសំរិទ្ធបានលើកីឡាករ ថង ទាំងជីន និងកីឡាករ រ៉ា ណាថាន់៕
