ឃុំខ្លួន២នាក់ ករណីបំភ្លៃព័ត៌មានពាក់ព័ន្ធវ៉ាក់សាំងកូវីដ១៩ ក្រោមបទ ”ញុះញង់បង្កភាពវឹកវរធ្ងន់ធ្ងន់ធ្ងរដល់សន្តិសុខសង្គម”
ភ្នំពេញ ៖ លោក ធ្វាំ ប៊ុណ្ណា ចៅក្រមស៊ើប សួរនៃសាលាដំបូងរាជធានីភ្នំពេញកាល ពីល្ងាចថ្ងៃទី ២៨ ខែកុម្ភៈឆ្នាំ២០២១ តាមដីកាឃុំខ្លួនជនជាប់ចោទដោយដាក់ពន្ធនា គារជាបណ្តោះអាសន្ន ករណីដែលបានសរសេរបង្ហោះព័ត៌មានបំភ្លៃការពិតលើការចាក់វ៉ាក់សាំងការពារកូវីដ១៩ ខណៈ កម្ពុជាកំពុងរីករាលដាលជំងឺកូវីដ១៩។
ជនត្រូវចោទមានឈ្មោះ ធន ច័ន្ទថា ភេទ ប្រុស អាយុ៤៤ឆ្នាំ ជនជាតិខ្មែរ ឃុំខ្លួននៅពន្ធនាគារព្រៃសម១ និង.ឈ្មោះ ម៉ី សុផន ភេទស្រី អាយុ ៤៣ឆ្នាំ ជនជាតិខ្មែរឃុំខ្លួននៅពន្ធនាគារព្រៃស(ម២) ដោយជាប់ចោទពីបទ. «ញុះញង់បង្កភាពវឹកវរធ្ងន់ធ្ងរដល់សន្តិសុខសង្គម» តាមមាត្រា៤៩៤ និងមាត្រា ៤៩៥ នៃក្រមព្រហ្មទណ្ឌ»។
កម្លាំងសមត្ថកិច្ចនៃការិយាល័យប្រឆាំងបទល្មើសបច្ចេកវិទ្យា នៃស្នងការដ្ឋាននគរបាលរាជធានីភ្នំពេញ កាលពីថ្ងៃទី ២៦និង ២៧ ខែកុម្ភៈ ឆ្នាំ ២០២១ បានឃាត់ខ្លួនមនុស្ស ២នាក់ក្នុងបទ ល្មើសជាក់ស្តែងពាក់ព័ន្ធនឹងការសរសេរបង្ហោះព័ត៌មាន បំភ្លៃការពិតលើការចាក់វ៉ាក់សាំងការពារកូវីដ១៩ ខណៈកម្ពុជាកំពុងរីករាល ដាលជំងឺកូវីដ១៩នេះ។
សតមត្ថកិច្ចលើកឡើងថានៅថ្ងៃទី២០ ខែកុម្ភៈ ឆ្នាំ២០២១ វេលាម៉ោង១៤និង៥៣ នាទី ឈ្មោះ ធន ច័ន្ទថា បានប្រើគណនីហ្វេសប៊ុកផ្ទាល់ខ្លួនឈ្មោះ «ធន ច័ន្ទថាចបា» តំណភ្ជាប់លេខ ១០០០៤ ៥០ ៨៨២៤៤៣៩៩ បានធ្វើការបង្ហោះអត្ថបទមានខ្លឹមសារថា «បើនិយាយឲ្យចំទៅបើវាកើតមែនងាប់រាដាលពេញប្រទេស ហើយមិនចាំបាច់ទៅឆ្ងល់ឡើយ ឥឡូវនេះបែបទប់លែងជាប់អត់ មានប្រាក់ខែបើកមន្ត្រីរាជការក៏មិនដឹងផងរកល្បិចគ្រប់វិធីដើម្បីរកជំនួយពីបរទេស ហើយទើបទប់ជាប់ »។ ដែលមានអ្នកចូលមើលចំនួន ១៧៨ ដង។
សមត្ថកិច្ចបានបញ្ជាក់ថានៅថ្ងៃទី២៦ ខែកុម្ភៈ ឆ្នាំ២០២១ ឈ្មោះ ម៉ី សុផន បានប្រើប្រាស់បណ្តាញសង្គម Facebook បង្ហោះជាសាធារណៈមានខ្លឹមសារថា៖ «កម្ពុជា ជាប្រទេសមួយដែលមិនមាន ការឆ្លងជម្ងឺរលាកផ្លូវដង្ហើម (កូវីដ១៩) ឬស្លាប់ដោយជម្ងឺនេះគួរឲ្យព្រួយបារម្ភឡើយ។ ហេតុអ្វីបានជារដ្ឋាភិបាលឯកបក្សប្រញាប់ប្រញាល់ អំពាវនាវអោយប្រជារាស្ត្រខ្មែរ ចាក់វ៉ាក់សាំងរបស់ចិន ដែលមិនទាន់បានទទួលស្គាល់ពីអង្គការសុខភាពពិភពលោក (WHO) យ៉ាងតក់ក្រហល់បែបនេះ? ក្នុងនាមប្រជាពលរដ្ឋខ្មែរសាមញ្ញម្នាក់ នាងខ្ញុំយល់ឃើញថា ជាហេតុផលនយោបាយច្រើនជាង ក្នុងចេតនាចង់ការពារជម្ងឺឆ្លងនេះជូនប្រជាពលរដ»៕
