នគរបាលស្រុកស្ទឹងត្រង់ ឃាត់ខ្លួនយុវជនម្នាក់ រំលោភសេពសន្ថវៈ លើក្មេងស្រីម្នាក់
កំពង់ចាម ៖ កម្លាំងនគរបាលនៃអធិការដ្ឋាននគរបាលស្រុកស្ទឹងត្រង់ បានចុះឃាត់ខ្លួនជនសង្ស័យម្នាក់ករណីរំលោភសេពសន្ថវៈ នៅចំណុចច្រាំងទន្លេ ស្ថិតក្នុងភូមិព្រែករលួស ឃុំព្រែកបាក់ ស្រុកស្ទឹងត្រង់ ខេត្តកំពង់ចាម ។
ជនសង្ស័យមានឈ្មោះ លូង ដាវី ភេទប្រុស អាយុ២២ឆ្នាំ ជនជាតិខ្មែរ រស់នៅភូមិ-ឃុំកើតហេតុ ត្រូវបានសមត្ថកិច្ចឃាត់ខ្លួនកាលពីថ្ងៃទី០១ ខែមីនា ឆ្នាំ២០២១ វេលាម៉ោង១៦និង៣០នាទី ដែលបានធ្វើសកម្មភាពរំលោភសេពសន្ថវៈលើឈ្មោះ ម.ស.ល អាយុ១៦ឆ្នាំ ជនជាតិខ្មែរ បានសម្រេច ។
ការឃាត់ខ្លួនឈ្មោះ លូង ដាវី ធ្វើឡើងដោយមានការសម្របសម្រួល និងបញ្ជាដោយផ្ទាល់ពីលោក តូច ឧត្តម ព្រះរាជអាជ្ញារង នៃអយ្យការអមសាលាដំបូងខេត្តកំពង់ចាម។
លទ្ធផលធ្វើតេស្តរកសារធាតុញៀន បង្ហាញថា អវិជ្ជមាន ។
បច្ចុប្បន្ន ជនសង្ស័យត្រូវបានបញ្ជូនទៅអធិកាដ្ឋាននគរបាលស្រុកស្ទឹងត្រង់ ដើម្បីកសាងសំណុំរឿងចាត់ការបន្តតាមនីតិវិធីច្បាប់ ៕ 