អភិបាលខណ្ឌប្ញស្សីកែវ នាំមន្ត្រីនាំយកស្បៀងអាហារ ចែកជូនដល់បងប្អូនប្រជាពលរដ្ឋកំពុងធ្វើចត្តាឡីស័ក នៅតាមទីតាំងចំនួនបួនក្នុងខណ្ឌប្ញស្សីកែវ
ភ្នំពេញ៖កាលពីថ្ងៃទី៦ ខែមីនា ឆ្នាំ២០២១ លោកជា ពិសី អភិបាលខណ្ឌប្ញស្សីកែវ បានដឹកនាំ លោកស្រី សួស សូលីដា អភិបាលរងខណ្ឌ ប្រធាន-អនុប្រធានការិយាល័យចំណុះរចនាសម្ព័ន្ធរដ្ឋបាលខណ្ឌ មន្ត្រីរាជការនៃរដ្ឋបាលខណ្ឌ កម្លាំងនគរបាល សណ្ដាប់ធ្នាប់ខណ្ឌ និងអាជ្ញាធរភូមិ-សង្កាត់ ចុះទៅចែកស្បៀងអាហារជូនដល់ ប្រជាពលរដ្ឋដែលកំពុងធ្វើចត្តាឡីស័ក នៅតាមទីតាំងចំនួនបួន ដែលជាប់ពាក់ព័ន្ធនឹងអ្នកដែលបានវិជ្ជមាននឹងមេរោគកូវីដ១៩ នៅក្នុងព្រឹត្តិការណ៍ សហគមន៍ ២០ កុម្ភៈ សង្កាត់ទួលសង្កែទី២ ចំនួន ០២ ទីតាំង សង្កាត់ប្ញស្សីកែវ ចំនួន ០១ ទីតាំង និងសង្កាត់គីឡូម៉ែតលេខ៦ ចំនួន ០១ ទីតាំង ដែលមានប្រជាពលរដ្ឋសរុបចំនួន ៨០ គ្រួសារ។
ក្នុងឱកាសនេះ លោកអភិបាលខណ្ឌ បានឧបត្ថម្ភស្បៀងអាហារជូនដល់បងប្អូនទាំង៨០គ្រួសារ អំណោយសរុបរួមមាន អង្ករ ៨០០ គ.ក សាច់ក្រក ២០ គ.ក ត្រីងៀត ៨០ គ.ក មី ៣៥ កេស ទឹកស៉ីអ៉ីវ-ទឹកត្រី ៥៥ យួរ ភេសជ្ជៈ ១៥ កេស ទឹកបរិសុទ្ធ ២០ កេស ត្រីខ ១៥ យួរ និងអំបិល ៨០ គ.ក៕
