របួស២នាក់ដោយ គ្រោះថ្នាក់ចរាចរណ៍ នៅព្រែកតាម៉ាក់

កណ្ដាល៖ប៉ូលិសបានអោយដឹងថា ករណីគ្រោះថ្នាក់ចរាចរណ៍(រវាងរថយន្តធំ+ម៉ូតូ)
បណ្ដាលឲ្យរងរបួស០២នាក់កាលពីថ្ងៃទី ០៨ ខែមីនាឆ្នាំ ២០២១ វេលាម៉ោង ៩ និង ៣០ នាទីផ្លូវខេត្តលេខ ៣៨០(70B) ចំណុច រង្វង់មូលព្រែកតាមាក់ ភូមិព្រែកតាមាក់ ឃុំព្រែកតាមាក់ ស្រុកខ្សាច់កណ្ដាល ខេត្តកណ្ដាល។បង្កឡើងដោយរថយន្តមួយគ្រឿងមួយគ្រឿងម៉ាកHYUNDAI ប្រភេទបែនពណ៌សពាក់ស្លាកលេខត្បូងឃ្មុំ3A.0260បើកបរដោយឈ្មោះម៉េងចន្ទ្រា ប្រុសអាយុ២១ឆ្នាំមានទីលំនៅភូមិព្រែកអំពិលជុំ ឃុំអំពិលតាពក ស្រុកអូរាំងឪ ខេត្តត្បូងឃ្មុំ ។
បើកបរក្នុងទិសដៅពីលិចបត់ទៅត្បូងលុះមកដល់ចំណុចកើតហេតុខាងលើបានបត់មកខាងស្តាំទៅទិសខាងត្បូងបានប៉ះកាងម៉ូតូមួយគ្រឿងម៉ាកហុងដាសេ125 ពណ៌ខ្មៅពាក់ស្លាកលេខភ្នំពេញ1FG1260ខាងក្រោយហើយក៏ដួលម៉ូតូបន្ទាប់មកកង់រថយន្តបានកិនពីលើជើងអ្នករួមដំណើរម៉ូតូឈ្មោះដើង ឌី ភេទស្រីអាយុ៣៥ឆ្នាំ នៅភូមិវត្តចាស់ ឃុំព្រែកដំបូងស្រុកមុខកំពូល ខេត្តកណ្ដាល។ បើកបរដោយឈ្មោះម៉ុន ស្រីណុចភេទស្រីអាយុ 21 ឆ្នាំនៅភូមិ ឃុំ ជាមួយគ្នារងរបួសស្រាលបញ្ជូនទៅមន្ទីរពេទ្យ។
ខូចខាតសម្ភារះ០២គ្រឿង ម៉ូតូ ០១គ្រឿងខូចស្រាលនិងរថយន្ត 1គ្រឿងខូចស្រាល។
រីឯអ្នកបើកបររថយន្តត្រូវបានប្រជាពលរដ្ឋឃាត់ខ្លួនមកប្រគល់ជូនសមត្ថកិច្ចនគរបាលហើយបានហៅមកសួរនាំនៅអធិការដ្ឋានស្រុកខ្សាច់កណ្ដាលដើម្បីកសាងសំណុំរឿងតាមនីតិវិធីច្បាប់។
ក្រោយពេលកើតហេតុរួចកម្លាំងជំនាញចរាចរណ៍ស្រុកបានសហការជាមួយកម្លាំងប៉ុស្តិ៍នគរបាលរដ្ឋបាលព្រែកតាមាក់បានចុះមកដល់កន្លែងកើតហេតុនិងវាស់វែងដកហូតសម្ភារៈយកមករក្សាទុកនៅអធិការរដ្ឋាននគរបាលស្រុកខ្សាច់កណ្ដាលតែម្តង ។
☆សភាពរឿងហេតុ ៖
នៅថ្ងៃកើតហេតុមានអ្នកបើកបររថយន្តមួយគ្រឿងខាងលើបានបើកបរក្នុងទិសដៅពីលិចបត់ទៅទិសខាងត្បូងស្របទិសដៅជាមួយម៉ូតូដែរលុះមកដល់ចំណុចកើតហេតុខាងលើបានបើកបត់មកខាងស្ដាំដៃរបស់ខ្លួនហើយក៏ប៉ះកាងម៉ូតូពីក្រោយបន្ទាប់មករថយន្តនេះបានកិនត្រូវជើងអ្នករួមដំណើរម៉ូតូបណ្ដាលឲ្យរងរបួសធ្ងន់រីឯអ្នកបើកបរម៉ូតូរងរបួសស្រាល។
ការសន្និដ្ឋាន៖អ្នកបើកបររថយន្តមួយគ្រឿងខាងលើបើកបរខ្វះការប្រុងប្រយ័ត្ន៕