ប្រធានផ្សារបឹងកេងកង បង្កើនការយកចិត្តទុកដាក់ បាញ់ថ្នាំសម្លាប់មេរោគ

ភ្នំពេញ៖លោកឯក និមល ប្រធានផ្សារបឹងកេងកងបានអោយដឹងថាដោយកាលពីល្ងាចថ្ងៃទី០៨ខែមិនាឆ្នាំ២០២១នេះគឺខាងគណៈកម្មការ​ផ្សារ​បឹងកេងកង​ដោយបន្តការយកចិត្តទុកដាក់ខ្ពស់លើការ​ប្រយុទ្ធប្រឆាំង​ជំងឺឆ្លង​Covid-19 ដោយ សហការ​ជាមួយខាងក្រុមហ៊ុនEasy Pest Control- EPC ដោយធ្វើការ​បាញ់ថ្នាំសំលាប់មេរោគ នៅក្នុង​ផ្សារបឹងកេងកងនិង​ជុំវិញបរិវេណផ្សារហើយការងារនេះគឺ បន្ថែម​ពីលើ ការ​អនុវត្ត​វិធានការ​ណ៏​របស់ក្រសួងសុខាភិបាល ដែលគណៈកម្មការផ្សារបាន​អនុវត្ត​ជាប្រចាំ រួមមាន ការដាក់​ម៉ាស៊ីនស្គែនកំដៅ បាញ់អាល់កុល ស្គែន​QR code​តាមច្រកទ្វារចេញ ចូលទាំង13 ច្រកនៅផ្សារបឹងកេងកងដោយជំរុញទៅដល់បងប្អូនអាជីវករនិងអតិថិជននៃផ្សារបឹងកេងកងទាំងអស់ត្រូវតែពាក់ម៉ាស់ លាងសំអាតដៃ រក្សាគំលាតដើម្បីប្រយុទ្ធប្រឆាំងនៃការឆ្លងរាលដាលជម្ងឺកូវិដ១៩ និង អនុវត្តន៍អោយបានខ្ជាប់ខ្ជួនជាប្រចាំនូវវិធានការ៣ការពារនិង៣កុំរបស់សម្ដេចតេជោ៕