បាត់បង់ជិតមនុស្ស២នាក់ ដោយគ្រោះថ្នាក់ចរាចរណ៍ នៅកៀនស្វាយ
កណ្ដាល ៖ ក្រុមសមត្ថកិច្ចប៉ូលិសបានឲ្យដឹងថា ករណីគ្រោះថ្នាក់ចរាចរណ៍ផ្លូវគោក រវាងម៉ូតូនិងរថយន្ត បណ្តាលឲ្យស្លាប់មនុស្ស ២ នាក់កាលពីម៉ោងជាង១១ថ្ងៃទី ១០ ខែ មីនា ឆ្នាំ២០២១ នេះនៅចំណុចផ្លូវជាតិលេខ១ ចន្លោះគីឡូម៉ែត្រ ២២-២៣ ក្នុងភូមិ ស្លាបតាអោន ឃុំ គគីរ ស្រុកកៀនស្វាយ ខេត្តកណ្តាល ។
ប៉ូលិសបន្តទៀតថា នៅថ្ងៃខែឆ្នាំវេលាម៉ោងខាងលើ មានម៉ូតូមួយគ្រឿងម៉ាក់ HONDA Zoomer.X ពណ៌លឿងចាស់ ពាក់ផ្លាក់លេខ ភ្នំពេញ 1GO.3516 បើកបរដោយឈ្មោះ យ៉ាវ រដ្ឋា ភេទប្រុស អាយុ ១៩ ឆ្នាំ ជនជាតិ(ខ្មែរ) មានទីលំនៅភូមិ ដក់ពរ ឃុំស្វាយធំ ស្រុកស្វាយជ្រុំ ខេត្តស្វាយរៀង (ស្លាប់) និងអ្នករួមដំណើរ ឈ្មោះ ផាត ស្រីយ៉ា ភេទស្រី អាយុ ១៧ ឆ្នាំ ជនជាតិខ្មែរ មានទីលំនៅភូមិ អំពៅព្រៃ ឃុំចំបក់ ស្រុកស្វាយជ្រំ ខេត្តស្វាយរៀង (ស្លាប់) ដែលបើកបរមានទិដសដៅពីអ្នកលឿងទៅភ្នំពេញ តាមផ្លូវជាតិលេខ១ ហើយពេលបើកម៉ូតូមកដល់ចំណុចកើតហេតុ បានបុកចែងក្រោយ រថយន្តម៉ាក HINO ពណ៌ខៀវ ប្រភេទក្បាលសណ្តោង ពាក់ផ្លាកលេខ ភ្នំពេញ 3C.8853 សណ្តោងសឺមីរ៉ឺម៉ក ផ្លាកលេខ ភ្នំពេញ 4A.1593 ។
ចំពោះអ្នកបើកបរមិនស្គាល់អត្តសញ្ញាណ (គេចខ្លួន) ដែលបើកមានទិសដៅផ្ទុយគ្នា ហើយបំពុងតែបត់ឆ្វេងឆ្លងកាត់ថ្នល់ បណ្តាលឲ្យស្លាប់អ្នកជិះម៉ូតទាំង២នាក់នៅកន្លែងកើតហេតុ។ ចំពោះម៉ូតូនិងរថយន្តរងកាខូចខាត។
សពជនរងគ្រោះ ត្រូវបានប្រគល់ឲ្យក្រុមគ្រួសារយកទៅធ្វើបុណ្យ។ ម៉ូតូខូចខាត ០១ គ្រឿងនិងរថយន្ត០១គ្រឿង ត្រូវបានកម្លាំងជំនាញចុះវាស់វែងយកទៅរក្សាទុកជាភស្តុតាង នៅអធិការដ្ឋាននគរបាលស្រុកកៀនស្វាយ ដើម្បីបន្តនីតិវិធី។
នគរបាលបានសន្និដ្ឋានបឋមថា អ្នកបើកបររថយន្តធ្វេសប្រហែសមិនប្រុងប្រយ័ត្ន មិនបានពិនិត្យគ្រប់ជ្រុងជ្រោយ មុនពេលបើកឆ្លងកាត់ថ្នល់។ អ្នកបើកបរម៉ូតូ ធ្វេសប្រហែស បើកលឿន មិនមើលស្ថានភាពផ្លូវខាងមុខមានឧបសគ្គ៕
