ទុកកូននៅតែឯងឪពុក ទៅកាច់ឈូកពេលមករកកូន! កូនលង់ទឹកស្លាប់
កណ្ដាល៖ក្រុមសមត្ថកិច្ចប៉ូលិសបានរាយការណ៍អោយដឹងនៅរសៀលថ្ងៃទី១០ ខែមីនា ឆ្នាំ២០២១នេះដោយមានករណីក្មេងប្រុសម្នាក់លង់ទឹក(ស្លាប់)ដោយយ៉ាងអាណោចអាធ័មនៅចំណុចបឹងប្រាក់តូច ស្ថិតនៅភូមិគគីរធំ ឃុំគគីរធំ ស្រុកកៀនស្វាយ ខេត្តកណ្ដាល។
ជនរងគ្រោះឈ្មោះសយ សំណាង ភេទប្រុស អាយុ៨ឆ្នាំ។
ឪពុកឈ្មោះ សយ ជា អាយុ 35ឆ្នាំនិងម្តាយឈ្មោះ ហុយ សុខេន អាយុ 32ឆ្នាំមានទីលំភូមិពោធិមៀវ ឃំុគគីរធំ ស្រុកកៀនស្វាខេត្តកណ្តាល។
ប៉ូលិសបន្តទៀតថានៅថ្ងៃខែឆ្នាំខាងលើវេលាម៉ោង ប្រហែល១២ថ្ងៃត្រង់ឈ្មោះសយ ជា បានជិះម៉ូតូឌុបកូនប្រុសទៅកាច់ឈូកនៅចំណុចបឹងប្រាក់តូចស្ថិតក្នុងភូមិគគីរធំ ឃុំគគីរធំ ស្រុកកៀនស្វាយ។ ពេលទៅដល់បឹងក៏ឡើងជិះទូកទាំងពីរនាក់ដើម្បីកាច់ឈូក។ លុះដល់វេលាម៉ោង1រសៀលក៏ត្រឡប់មកគោកវិញ ហើយអោយកូនឈរលើគោក តែម្នាក់ឯង ដោយឪពុកគាត់ចុះទៅកាច់ឈូកដែលមាន ចំងាយប្រហែល50ម៉ែត្រពីកន្លែងកូនឈរ ។ពេលកាច់ផ្លែឈូកបានហើយក៏ត្រឡប់មកវិញ ពេលមកដល់ទូកមិនឃើញកូន ដោយឃើញតែខោអាវ ក៏ស្ទុះចុះរករាវមើលក្រោមទូកស្រាប់តែឃើញកូនលង់ទឹកស្លាប់នៅក្រោមទូក ឃើញដូចនេះឪពុកបានយកកូនមកដល់ផ្ទះទើបរាយការណ៍ជូននគរបាលប៉ុស្តិ៍៕
