សម្ដេចតេជោសែន បញ្ជាឱ្យអភិបាលខេត្ត-រាជធានី ពិចារណាបិទពិធីមង្គលការ និងពិធីជួបជុំទាំងអស់
ភ្នំពេញ ៖ នៅថ្ងៃទី១៥ ខែមីនា ឆ្នាំ២០២១នេះ ប្រមុខរាជរដ្ឋាភិបាលកម្ពុជា សម្ដេចតេជោ ហ៊ុន សែន បានបញ្ជាឱ្យអភិបាលខេត្ត-រាជធានី ពិចារណាបិទពិធីមង្គលការ និងពិធីជួបជុំទាំងអស់។
សារសំឡេង សម្តេចតេជោ ថ្លែងថ្ងៃទី១៥ ខែមីនា ឆ្នាំ ២០២១ លើកឡើងថា សូមពលរដ្ឋយោគយល់ ពីព្រោះគ្រាន់តែក្នុងករណី នៅខេត្តតាកែវមួយ ធ្វើឲ្យមានហានិភយច្រើនណាស់ទៅហើយ ដូច្នេះសូមឲ្យអភិបាលខេត្តទាំងអស់ ចេញលិខិតផ្អាកអាពាហ៍ពិពាហ៍ និងពិធីជួបជុំនានានៅក្នុងដែនដីរបស់ខ្លួន៕
