ក្រុមការងារថ្នាក់កណ្ដាលគណបក្សប្រជាជន ចុះជួយរាជធានីភ្នំពេញ យកអង្ករទៅប្រគល់ជូនមូលដ្ឋានភូមិជ្រោយអំពិល១ទុកចែកជូនប្រជាជនក្រីក្រ
ភ្នំពេញ៖នាថ្ងៃទី ១៨ ខែ មីនា ឆ្នាំ ២០២១នេះ ក្នុងនាមក្រុមការងារថ្នាក់កណ្តាលគណបក្សប្រជាជនកម្ពុជាចុះជួយរាជធានីភ្នំពេញ លោកជិន ប៊ុនធឿន នាយករងរដ្ឋាបាលរាជធានីភ្នំពេញ និង ជានាយកប្រតិបត្តិសាខាកាកបាទក្រហមកម្ពុជារាជធានីភ្នំពេញដោយបាននាំយកអង្ករចំនួន ៥០០គីឡូក្រាម ទៅប្រគល់ជូនមន្ត្រីនៅមូលដ្ឋានភូមិជ្រោយអំពិល១ សង្កាត់ក្បាលកោះ ខណ្ឌច្បាអំពៅ រាជធានីភ្នំពេញសម្រាប់ទុកចាត់ចែងចែកជូនដល់ប្រជាពលរដ្ឋដែលជួបប្រទះនូវការខ្វះខាត ក្នុងជីវភាព រស់នៅប្រចាំថ្ងៃ ជាពិសេសក្នុងអំឡុងពេលដែលប្រទេសកម្ពុជាយេីងកំពុងរងនូវផលប៉ះពាល់ដោយសារជំងឺកូវីដ១៩ ។ ជាមួយគ្នានោះដែរលោកជិន ប៊ុនធឿននាយករងរដ្ឋាបាលរាជធានីភ្នំពេញក៏បានស្នេីសុំសូមឲ្យលោក លោកស្រី បងប្អូនជាមន្ត្រីបក្សនៅមូលដ្ឋានទាំងអស់អោយបន្តយកចិត្តទុកដាក់ចំពោះសុខទុក្ខប្រជាពលរដ្ឋយេីងនៅតាមមូលដ្ឋាន ជាពិសេសក្នុងអំឡុងពេលកំពុងរងផលប៉ះពាល់ដោយសារជំងឺកូវីដ១៩នេះ ដោយ មិនត្រូវទុកឲ្យបងប្អូនប្រជាពលរដ្ឋណាម្នាក់ស្លាប់បាត់បង់ជីវិតដោយអត់បាយដោយយេីងមិនបានដឹង ឮហេីយមិនបានដោះស្រាយ នោះឡេីយ ។
នាឱកាសដែរលោកនាយករងរដ្ឋាបាលរាជធានីភ្នំពេញក៏បានមានមតិដោយធ្វើការអំពាវនាវទៅដល់បងប្អូនប្រជាពលរដ្ឋទាំងអស់បន្តយកចិត្តទុកដាក់ខ្ពស់ពីសុខភាព គឺត្រូវមានអនាម័យល្អទាំងការរស់នៅ និងការហូបចុក ជាពិសេសសូមបន្តអនុវត្តឲ្យបានខ្ជាប់ខ្ជួននូវវិធានការរបស់ប្រមុខរាជរដ្ឋាភិបាលកម្ពុជា សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី គឺ៖ ៣ ការពារ (១.ពាក់ម៉ាស់ ២.លាងដៃ ៣.គម្លាតសុវត្ថិភាពសង្គម និងគម្លាតសុវត្ថិភាពបុគ្គល ) និង ៣ កុំ ( ១.កុំចូលទៅកន្លែងបិទជិត គ្មានខ្យល់ចេញចូល និងប្រេីម៉ាសុីនត្រជាក់ច្រេីនពេក រកកន្លែងមានខ្យល់ចេញចូល ២.កុំទៅកន្លែងមនុស្សច្រេីនកុះករ ៣.កុំប៉ះពាល់គ្នា កុំចាប់ដៃគ្នា កុំកៀកស្មាគ្នា កុំឱបគ្នាជាដេីម ) ដេីម្បីចូលរួមទប់ស្កាត់ និងការពារការរីករាលដាលនៃជំងឺកូវីដ១៩ ទាំងអស់គ្នា ។ ហើយចាប់តាំងពីដេីមរៀងមក ទោះស្ថិតក្នុងកាលៈទេសៈណាក៏ដោយគណបក្សប្រជាជនកម្ពុជា ដែលមាន សម្តេចអគ្គមហាសេនាបតីតេជោ ហ៊ុន សែន ជានាយករដ្ឋមន្ត្រី និងជាប្រធាន មិនបោះបង់ចោលបងប្អូនប្រជាពលរដ្ឋយេីងជាដាច់ខាត គឺនៅរួមសុខ រួមទុក្ខជាមួយបងប្អូនជានិច្ច ៕
