អភិបាលខេត្តប៉ៃលិន សម្រេចបណ្តេញគ្រូពេទ្យម្នាក់ ចេញពីក្របខ័ណ្ឌ ដោយមូលហេតុប្រព្រឹត្តិកំហុស និងការឆ្គាំឆ្គងក្នុងវិជ្ជាជីវៈរបង្ហោះសារក្នុងហ្វេសប៊ុក
ខេត្តប៉ៃលិន ៖ នៅថ្ងៃទី១៩ ខែមីនា ឆ្នាំ២០២១ លោកជំទាវ បាន ស្រីមុំ អភិបាលខេត្តប៉ៃលិន បានចេញលិខិត សម្រេចបណ្តេញលោក ខឹម មុនីកុសលជាមន្ត្រី នៅការិយាល័យបង្ការ និងគ្រប់គ្រងជំងឺ នៃមន្ទីរសុខាភិបាល នៃរដ្ឋបាលខេត្តប៉ៃលិន ចេញពីក្របខ័ណ្ឌមន្ត្រីសុខាភិបាលជាន់ខ្ពស់ ដោយមូលហេតុ «ប្រព្រឹត្តិកំហុស និងការឆ្គាំឆ្គងក្នុងវិជ្ជាជីវៈ»។
ការបណ្តេញចេញនេះ ដោយសារលោក ខឹម មុនីកុសល បានសរសេរសសារបង្ហោះហ្វេសប៊ុកឈ្មោះKhem Monykosal បញ្ហា ដែលពេទ្យប្រចាំការ នៅមន្ទីរបក្សខេត្តប៉ៃលិន មិនគួរនឹងទទួល។ មន្ត្រីពេទ្យជាបុគ្គលិកស្រី ត្រូវបានបងប្អូនយើង ដែលកំពុងធ្វើចត្តាឡីស័ក យកកញ្ចប់បាយគប់ចំមុខ។ ពេទ្យប្រចាំការតាមមណ្ឌលចត្តាឡីស័ក ធ្វើការសឹងតែមួយរយជំពូកហើយ នៅតែទទួលបានការប្រមាថបែបនេះទៀត។ បាយមិនឆ្ងាញ់ បាយផ្អូម បាយឆៅ…។ល។ មិនមែនពេទ្យ គួរទទួលខុសត្រូវផ្តាច់មុខអញ្ចឹងទេ។ ការងារចែកបាយ ក៏មិនគួរតែពពេទ្យជាអ្នករាប់រងតែឯងដែរ មន្ត្រីមកពីមន្ទីរពាក់ព័ន្ធ គួរតែរួមចំណែកជួយ មិនមែនមកអង្គុយលេង Face Book ក្នុងតង់ និងថតរូបបង្អួតគេទេ។
បើតាមផេកហ្វេសប៊ុក Sophal Battambong បានលើកឡើងថា ខុសត្រូវតិចតួចប្រមាន រឺដកបញ្ឍរជើងបានតើ
គ្នាហត់នឿយ សរសេរប៉ុណ្ណឹង កំហុសប៉ុណ្ណឹងដូចមិនធ្ងន់ទេ
អ្វីក៏ដោយតែងមានការខុសឆ្គងគ្រាន់តែតិចរឺច្រើន សូម្បីតែលិខិតដែលចេញសេសចក្តីសម្រេចនេះ ក៏នៅមានសរសេរខុសដែរ ៕
