ឡានបើកបុកម៉តូស្លាប់ម្នាក់, របួសម្នាក់នៅផ្លូវជាតិលេខ៣ ស្រុកកណ្ដាលស្ទឹង

កណ្ដាល៖ ក្រុមសមត្ថកិច្ចបានអោយដឹងថា ករណីគ្រោះថ្នាក់ចរាចរណ៍រវាងរថយន្តនិងម៉ូតូ( បណ្ដាលឲ្យស្លាប់ ម្នាក់ និងរបួសម្នាក់,ខូចខាតម៉ូតូ 1 គ្រឿងដោយកើតហេតុវេលាម៉ោង 6 និង 30 នាទីថ្ងៃទី 25 ខែមីនាឆ្នាំ 2021 នៅ លើបណ្ដោយផ្លូវជាតិលេខ 3 ចន្លោះគីឡូម៉ែត្រ 35-36 ចំណុចភូមិជីមៅ ឃុំត្បែងស្រុកកណ្ដាលស្ទឹងខេត្តកណ្ដាល។

សមត្ថកិច្ចបន្តទៀតថានៅ ព្រឹកថ្ងៃកើតហេតុវេលាម៉ោង 6 និង 30 នាទី នៅចំណុចភូមិឃុំកើតហេតុខាងលើ កើតមានករណីគ្រោះថ្នាក់ចរាចរណ៍រវាងរថយន្តនិងម៉ូតូ 1លើក ដែលបង្កឡើងដោយរថយន្ត1គ្រឿង (មិនស្គាល់ម៉ាក) បើកបរក្នុងទិសដៅ(ពីត្បូងមកជើង) ពីតាកែវមកភ្នំពេញ ពេលមកដល់ចំណុចកើតហេតុ បានបុកនិងម៉ូតូ 1គ្រឿង ជិះគ្នាពីរនាក់ ម៉ូតូម៉ាកហុងដាឌ្រីមសង់សេ125 ពណ៌ខ្មៅ ស៊េរីឆ្នាំ 2020 ពាក់ស្លាកលេខ កណ្ដាល1AK-4450 អ្នកបើកបរឈ្មោះ មុំស្រីមានភេទស្រី អាយុ 33 ឆ្នាំរងរបួសស្រាល មានអ្នករួមដំណើរជា1នាក់ឈ្មោះ ស្រូយ ស្រីហ៊ុន ភេទស្រីអាយុ 43 ឆ្នាំ បានស្លាប់ក្រោយពេលបញ្ជូនដល់មន្ទីរពេទ្យ អ្នកទាំង 2 នាក់ មានទីលំនៅភូមិតាដោលទី1ឃុំអំពៅព្រៃស្រុកកណ្ដាលស្ទឹងខេត្តកណ្ដាល។
បើកបរក្នុងទិសដៅស្របទិសគ្នា(ពីត្បូងមកជើង) ពីតាកែវមកភ្នំពេញ។

ចំពោះសពកម្លាំងជំនាញបានប្រគល់ជូនសាច់ញាតិបងប្អូនយកទៅធ្វើបុណ្យតាមប្រពៃណី។
ចំណែកវត្ថុតាងម៉ូតូកម្លាំងជំនាញបានយកមករក្សាទុកនៅអធិការរដ្ឋានជាបណ្ដោះអាសន្ន ៕
ដោយសុវណ្ណភូមិ