ជិះម៉ូតូលឿន បុកចំឡានដួល តែត្រូវឡាន១គ្រឿងទៀត បើកមកកិនចំពីលើរបួសធ្ងន់

កណ្ដាល៖កាលពីម៉ោងជិត១០យប់នាថ្ងៃទី ២៤ខែមិនាឆ្នាំ២០២១នេះ ដោយមានករណីគ្រោះថ្នាក់ចរាចរណ៍មួយកើតឡើង នៅលើកំណាត់ផ្លូវជាតិលេខ១ចន្លោះគីឡូម៉ែតលេខ ២៤.២៥ស្ថិត
នៅក្នុងភូមិដីឥដ្ឋកោះផុស៣ ឃុំដីឥដ្ឋ ស្រុកកៀនស្វាយ ខេត្តកណ្តាល។

សមត្ថកិច្ចប៉ូលិសនិយាយថា នៅថ្ងៃខែឆ្នាំនិងម៉ោងកើតហេតុខាងលើនោះ ដោយមានម៉ូតូ០១គ្រឿងម៉ាកHONDA DREAM ១២៥ (ប៊ិច)ពណ៍ខ្មៅពាក់ស្លាកលេខភ្នំពេញ1CE.6106 បើកបរដោយឈ្មោះ ផល សុខជា ភេទប្រុស អាយុ២៥ឆ្នាំជនជាតិខ្មែរមានទីលំនៅភូមិជ័យឧត្តម ឃុំសំរោងធំ ស្រុកកៀន ខេត្តកណ្តាល បើកបរ ក្នុងទិសដៅពីអ្នកលឿងសំដៅទៅភ្នំពេញ ។ លុះ
ពេលបើកមកដល់ចំណុចកើតហេតុខាងលើ នោះស្រាប់តែជ្រុលចង្កូតទៅបុកជាមួយរថយន្ត ម៉ាក HYUNDAI ព៌ណទឹកប្រាក់ ប្រភេទក្បាលសណ្តោង ពាក់ស្លាកលេខភ្នំពេញ3B-3663 សណ្តោង សឺមីរឺម៉ក ពាក់ផ្លាកលេខភ្នំពេញ4A.1028 ដែល បើកមានទិសដៅពីភ្នំពេញ ទៅអ្នកលឿងមិនស្គាល់អត្តសញ្ញាណ្ណ(រត់គេចខ្លួនបាត់មុនពេលសម្ថកិច្ចមកដល់) ។ក្រោយកើតហេតុមានរថយន្តមួយគ្រឿងទៀតមិនស្គាល់អត្តសញ្ញាណបានកិនចំពីលើអ្នកបើកម៉ូតូ និងម៉ូតូដែលដួលនោះបណ្តាលអោយរងរបួសធ្ងន់ អ្នកបើកម៉ូតូឈ្មោះផល សុខជា រងរបួសធ្ងន់ត្រូវបានរថយន្តសង្រោះមន្ទីពេទ្យបង្អែកស្រុកកៀនស្វាយដឹកយកទៅព្យាបាលនៅមន្ទីពេទ្យភ្នំពេញ។
ចំណែកឯម៉ូតូនិងរថយន្តទាំង២គ្រឿងត្រូវបានកំលាំងចរាចណ៍ យកមករក្សាទុកនៅអធិការស្រុកកៀនស្វាយ។
រថយន្តដែកកិនមិនស្គាល់អត្តសញ្ញាណបានរត់គេចបាត់ ។

ការសន្និដ្ឋានរបស់សមត្ថកិច្ចប៉ូលិសកៀនស្វាយថា ករណីខាងលើបណ្តាលមកពី អ្នកបើកបរម៉ូតូឈ្មោះផល សុខជាបើកបរម៉ូតូបើកបរក្នុងល្បឿនលឿនមិនប្រុងប្រយ័ត្ន បើករំលោភលើចំណែកផ្លូវ នៃយានយន្តដែលបើកមកពីទិសដៅផ្ទុយ៕ ដោយសុវណ្ណភូមិ