គម្រោងអភិវឌ្ឍន៍ប្រព័ន្ឋទឹក ខ្វក់នៅរាជធានីភ្នំពេញ ដែលមានសមត្ថភាពចម្រោះទឹកកខ្វក់ ៥០០០ម៉ែត្រគូបក្នុង១ថ្ងៃ មានអ្នកដេញថ្លៃបានហើយ

ភ្នំពេញ៖ គម្រោងអភិវឌ្ឍន៍ប្រព័ន្ឋទឹកខ្វក់នៅរាជធានីភ្នំពេញ ដែលមានសមត្ថភាព ចម្រោះទឹកកខ្វក់ បាន៥០០០ម៉ែត្រគូបក្នុង១ថ្ងៃ មានអ្នកដេញថ្លៃបានហើយ។

កម្មវិធីដេញថ្លៃមួយនេះធ្វើឡើង កាលពីព្រឹកថ្ងៃទី១២ខែមេសាឆ្នាំ២០២១នេះ តាមរយៈ video conference នៅទីក្រុងតូក្យូ ប្រទេសជប៉ុន ។

   មន្ត្រីនៃមន្ទីរសាធារណការនិងដឹកជញ្ជូនរាជធានីភ្នំពេញ បានអោយដឹងថា នៅព្រឹកថ្ងៃទី១២ខែមេសាឆ្នាំ២០២១នេះនៅទីក្រុងតូក្យូ ប្រទេសជប៉ុន បានរៀបចំពិធីដាក់អោយដេញថ្លៃនៃគម្រោងអភិវឌ្ឍន៍ប្រព័ន្ឋទឹកខ្វក់នៅរាជធានីភ្នំពេញដែលជាគម្រោងជំនួយឥតសំណងរបស់ប្រទេសជប៉ុន។  ក្រុមហ៊ុន Kubota Metawater Joint Venture បានទទួលជ័យជំនះលើការដាក់អោយដេញថ្លៃគម្រោងសាងសង់រោងចក្រប្រព្រឹត្តិកម្មទឹកកខ្វក់នៅបឹងជើងឯកនេះដែលមានសមត្ថភាពចម្រោះទឹកកខ្វក់ ៥០០០ម៉ែត្រគូបក្នុង១ថ្ងៃ ៕