បង្ក្រាបមុខសញ្ញាប្រើប្រាស់គ្រឿងញៀន រយៈពេល ពីរថ្ងៃជាប់គ្នាឃាត់ខ្លួនបាន ១០នាក់

កំពង់ស្ពឺ ៖ នគរបាលសំរោងទង ប្រតិបត្តិការបង្ក្រាបមុខសញ្ញាប្រើប្រាស់គ្រឿងញៀន រយៈពេល ពីរថ្ងៃជាប់គ្នាឃាត់ខ្លួនបាន ១០នាក់ ដកហូតវត្ថុតាងគ្រឿងញៀនមួយចំនួន ថ្ងៃទី១៥ ខែមិថុនា ឆ្នាំ២០១៨ វេលាម៉ោង ១៧ : ៤៥នាទីនៅភូមិត្រពាំងវែង ឃុំត្រពាំងគង ស្រុកសំរោងទង។

កម្លាំងនគរបាលបានធ្វើការល្បាតភូមិត្រពាំងវែង ឃុំត្រពាំងគងឃាត់មុខសញ្ញាសង្ស័យ ជួញដូរគ្រឿងញៀនចំនួន ២នាក់ ឈ្មោះ ណែត ពុធ ភេទប្រុស អាយុ ១៩ឆ្នាំនិងឈ្មោះ សាត់ សែន ភេទប្រុស អាយុ ២២ឆ្នាំ នៅភូមិត្រពាំងវែង-ភូមិសំរោង ឃុំត្រពាំងគង ស្រុកសំរោងទង ដកហូតម្សៅក្រាម ពណ៍ស សង្ស័យជាគ្រឿងញៀនចំនួន ២ កញ្ចប់មធ្យម , ទូរស័ព្ទដៃ ២គ្រឿង។

ក្រោយការសាកសួរ សមត្ថកិច្ចបន្ដអនុវត្ដនីិតិវិធី សហការជាមួយកម្លាំងការិយាល័យប្រឆាំងគ្រឿងញៀនខេត្ដ ឈានទៅបង្រ្កាបទីតាំងផ្ដល់កន្លែងប្រើប្រាស់ និងជួញដូរគ្រឿងញៀននៅផ្ទះសំណាក់លឹម សៀនហួ ស្ថិតនៅក្នុងភូមិត្រពាំងវែង ឃុំត្រពាំងគង ស្រុកសំរោងទង ឃាត់មុខសញ្ញាបាន ៨នាក់បន្ថែម ១.ឈ្មោះ ថន ភក្ដី ភេទប្រុស អាយុ ១៧ឆ្នាំ ២.ឈ្មោះ ពេញ សុធារៈ ភេទប្រុស អាយុ ២៧ឆ្នាំ នៅ ភូមិព្រៃគុយ ឃុំត្រពាំងគង ស្រុកសំរោងទង នៅបន្ទប់លេខ ១៣ ដកហូតបានម្សៅក្រាមពណ៍សសង្ស័យជាគ្រឿងញៀនចំនួន ២៧ កញ្ចប់ ( មធ្យម ២,តូច ២៥) , ម៉ូតូ ១ គ្រឿង ឧបករណ៍ប្រើប្រាស់ ,ថង់ប្លាស្ទិកមួយចំនួន។ ៣.ឈ្មោះ រឿន ឡុង ភេទប្រុស អាយុ ១៦ឆ្នាំ ៤.ឈ្មោះរឿន លាង ភេទប្រុស អាយុ ១៥ឆ្នាំ នៅភូមិព្រៃគុយ ឃុំត្រពាំងគង ស្រុកសំរោងទង។
៥.ឈ្មោះ ថន ស្រីណុច ភេទស្រី អាយុ២៣ឆ្នាំ ៦.ឈ្មោះ អៀន ឈៀងលី ភេទប្រុស អាយុ ២០ឆ្នាំ ៧.ឈ្មោះ សឿន ផា ភេទប្រុស អាយុ ២៥ឆ្នាំ នៅភូមិត្រពាំងវែង ឃុំឆកឈើនាង ស្រុកអង្គស្នួល ខេត្តកណ្ដាល នៅបន្ទប់លេខ ១៧,៣៥ ដកហូតបានម្សៅក្រាមពណ៍ស សង្ស័យជាគ្រឿងញៀនចំនួន ៤កញ្ចប់ និង ម៉ូតូ ២ គ្រឿង ៨.ឈ្មោះ សន ស្រីនា ភេទស្រី អាយុ ៣៣ឆ្នាំ ម្ចាស់ផ្ទះសំណាក់ ខាងលើ។

ប្រតិបត្តិការខាងលើបានការសម្របសម្រួល ពីលោក អ៊ូ ផាត ព្រះរាជអាជ្ញារង អមសាលាដំបូងខេត្ដកំពង់ស្ពឺ ចូលរួមលោក អភិបាលរងស្រុក លោកមេឃុំ លោក មេភូមិ ។
សរុបមនុស្ស ដែលពាក់ព័ន្ធនិងឃាត់បានជាក់ស្ដែង ចំនួន ១០នាក់ ស្រី ២នាក់ ដកហូតគ្រឿងញៀនចំនួន៣៣ កញ្ចប់ (មធ្យម ៧ . តូច ២៦ ) ម៉ូតូ ៣គ្រឿង ទូរស័ព្ទ ២គ្រឿង .ដបកែច្នៃសំរាប់ប្រើប្រាស់គ្រឿងញៀនចំនួន ១ និងថង់ប្លាស្ទិចមួយចំនួន។
ករណីខាងលើជំនាញបានកសាងសំណុំរឿងចាត់ការតាមនីតិវិធី៕