ថ្ងៃនេះ រកឃេីញករណីជំងឺកូវីដ-១៩ សរុបចំនួន ៥១១នាក់ និងជាសះស្បេីយ ៦២នាក់ និងស្លាប់កើនដល់ ៧១នាក់
ភ្នំពេញ ៖ ក្រសួងសុខាភិបាល បានចេញប្រកាសព័ត៌មានថា រហូតដល់ ថ្ងៃទី ២៤ មេសា ២០២១ យេីងរកឃេីញករណីជំងឺកូវីដ-១៩ សរុបចំនួន ៥១១នាក់ (ឆ្លងសហគមន៍: ៥១៩ នាំចូល: ២) និងមានជាសះស្បេីយ ៦២នាក់ ។ ដូច្នេះចំនួនករណីជំងឺកូវីដ-១៩សរុបកេីន ៩៣៥៩នាក់ ចំនួនសំរាកពេទ្យ ៦០៧២នាក់ និងចំនួនជាសះស្បេីយសរុបកេីន ៣២១០នាក់ និង ស្លាប់ថ្មី ១០នាក់ សរុបស្លាប់ ៧១នាក់ ។
ជំងឺកូវីដ-១៩ នៅតែបន្តគម្រាមកំហែងយេីងជាប់ជានិច្ច សូមបងប្អូនបន្តប្រយ័ត្នជាប់ជានិច្ច ដោយអនុវត្តអនាម័យ នៅឃ្លាតឆ្ងាយពីគ្នា មិនចេញក្រៅផ្ទះ ព្រោះប្រទេសយេីងកំពុងរាត្បាតក្នុងសហគមន៍ហេីយ និងប្រទេសជិតខាងយេីងនិងពិភពលោកកំពុងបន្តរាតត្បាតជំងឺកូវីដ១៩ ដ៏ខ្លាំងក្លានៅឡេីយដែរ ។
យេីងត្រូវបន្តគម្លាតបុគ្គលបន្តទៀត ដូចជាអង្គុយគម្លាតពីគ្នា ឈររងចាំគម្លាតពីគ្នា ឈរជជែកគ្នាគម្លាតពីគ្នា ។ ល។
យេីងត្រូវបន្តពាក់ម៉ាស់ជាប់ជានិច្ច និងឧស្សាហ៍លាងដៃជាមួយសាប៊ូ អាល់កុល ឬជែល ។
សូមបញ្ជាក់ថា ប្រទេសយេីងរកឃេីញករណីជំងឺកូវីដ១៩ដំបូងបំផុតនៅថ្ងៃទី ២៧ មករា ២០២០ ។ យេីងបានធ្វេីតេស្តចំនួន 864685 ស្មេីនឹង 51469 ក្នុង១លាន នាក់៕
