ជម្រើសល្អគឺរួមគ្នាសម្អាតបរិស្ថានធ្វើអនាម័យក្នុងភូមិសង្កាត់ ខណ្ឌយើងទើបទីក្រុងមានសោភ័ណភាព
ភ្នំពេញ៖ ជម្រើសដ៏ល្អមានតែរួមគ្នាធ្វើអនាម័យតាមផ្លូវជាតិលេខ១ ក្នុងភូមិសាស្ត្រខណ្ឌដើម្បីរក្សា អនាម័យបរិស្ថាននឹងសោភ័ណភាព អោយបានល្អនៅព្រឹកថ្ងៃអាទិត្យទី១៩ ខែសីហា ឆ្នាំ២០១៨ រដ្ឋបាលខណ្ឌច្បារអំពៅ ដឹកនាំដោយលោកចេង មុនីរ៉ា អភិបាលខណ្ឌច្បារអំពៅ ចូលរួមដោយលោក លោកស្រីអភិបាលរង គណៈនាយករដ្ឋបាលខណ្ឌ ការិយាល័យជំនាញ។
ចូលរួមក្នុងការងារនេះដែរមានលោក លោកស្រីចៅសង្កាត់ ចៅសង្កាត់រង សមាជិកក្រុមប្រឹក្សាសង្កាត់៤ ជាប់ផ្លូវជាតិលេខ១ គណះកម្មការផ្សារច្បារអំពៅ ផ្សារបន្លែ ប្អូនៗយុវជនកំលាំងសណ្តាប់ធ្នាប់ខណ្ឌ ប្រជាការពាសង្កាត់ទាំង៤ និងកំលាំងកម្មករសុិនទ្រីបានធ្វើការអនាម័យបោស លាងសម្អាត កើប រើសសម្រាមតាមផ្លូវជាតិលេខ១ ចាប់ពីគល់ស្ពាន
ព្រះមនុវង្សរក្នងទឹកដីសង្កាត់ច្បារអំពៅទី១ ទី២ហូតដល់ផ្លូវបំបែក ចូលផ្លូវថៃហ្គ័រ(ផ្លូវអាស៊ាន)ក្នងទឹកដីសង្កាត់ព្រែកឯង។
ផ្លូវជាតិលេខ១ ខណ្ឌច្បារអំពៅ ត្រូវបានបោសលាងសំអាត ក្រោមពាក្យស្លោក “អនាម័យនាំមកនូវសុខភាព”។
មន្ត្រី បញ្ជាក់ថា យុទ្ធនាការនេះ គឺ ក្រោមពាក្យស្លោក “អនាម័យនាំមកនូវសុខភាព”។
នេះគឺជាពាក្យស្លោកមួយឃ្លា ដែលប្រជាពលរដ្ឋខ្មែរភាគច្រើនបានដឹងឮស្ទើរគ្រប់ៗគ្នា ។ ប៉ុន្តែនៅក្នុងជីវភាពប្រចាំថ្ងៃវិញ បញ្ហាអនាម័យមួយចំនួន ហាក់ដូចជាមិនសូវមានការប្រតិបត្តិ ឱ្យបានខ្ជាប់ខ្ជួន ដើម្បីសុខភាព ឬ សោភ័ណភាពនោះទេ ។
ការបោះចោលសំរាមនេះ គឺជាកញ្ចក់ឆ្លុះបញ្ចាំង ពីចំណេះដឹង មារយាទ និងការទទួលខុសត្រូវរបស់ពលរដ្ឋខ្មែរម្នាក់ៗ ។
ក្នុងនាមជាអាជ្ញាធរខណ្ឌច្បារអំពៅ គឺបានខិតខំផ្សព្វផ្សាយ អប់រំណែនាំដល់បងប្អូនប្រជាពលរដ្ឋ ឱ្យយកចិត្តទុកខ្ពស់លើការ ចូលរួមថែរក្សាអនាម័យ និងសោភ័ណភាព បរិស្ថានក្នុងមូលដ្ឋានខណ្ឌ ជាពិសេសនៅតាមបណ្ដោយផ្លូវជាតិលេខ១ ដែលជាផ្លូវមានការចរាចរណ៍ មមាញឹកខ្លាំងជាងគេ ។ សូមចូលរួមទាំងអស់គ្នា ដើម្បីសោភ័ណភាពបរិស្ថានទីក្រុងស្អាត ។
ក្នុងនោះលោកអភិបាលខណ្ឌច្បារអំពៅ បានលើកឡើងថា៖ ចង់បានអនាម័យ និងបរិស្ថានល្អក្នុងភូមិ សង្កាត់របស់យើងស្អាតមានអនាម័យ ប្រជាពលរដ្ឋមាន សុខភាពល្អទីក្រុងមានសោភ័ណភាព នោះមានតែយើងទាំងអស់ គ្នារួសហការគ្នាសម្អាតជាមួយគ្នា ទាំងពលរដ្ឋមន្ត្រីរាជការទេបានស្អាត មិនចាំអ្នកមក ធ្វើឱ្យយើងក្រៅពីយើងនោះឡើយ៕
