គំនិតឡឺកឺ ៖ កោះប្រជុំមុនហានីភ័យមកដល់

ភ្នំពេញ៖ថ្ងៃនេះព្រះឥន្ទ្រាធិរាជបានកោះប្រជុំតំណាងស្ថានទាំ៣ ក្នុងខណៈដែលព្រះអង្គបានទទួលដំណឹងថា នឹងមានគ្រោះមហន្តរាយធំៗ ច្រើនដែលបង្កឡើងដោយធម្មជាតិនានាន ទៅលើស្ថានទាំអស់ ។
ស្ដេចយមរាជដែលជាអ្នកគ្រប់គ្រងខ្មោចទាំងខ្មោច ដែលស្លាប់ដោយជម្ងឺ ស្លាប់ដោយជរាពាធ ស្លាប់តែហោង និងស្លាប់ដោយសារ ឧបទ្ទវហេតុផ្សេងៗនោះបានមានយោបល់ថា អ្នកខ្លះសកលាប់ដោយគ្មានអត្តសញ្ញាណ ច្បាស់លាស់ដែលជាហេតុធ្វើឲ្យខាងស្ថានយមរាជ មានការពិបាកនឹងសម្រេចឲ្យចាប់ជាតិជាថ្មីណាស់ ។
ចំពោះតំណាងស្ថានជម្ពូរទ្វីប និង ស្ថានឧត្តរៈទ្វីប ពិសេសស្ថានកណ្ដាលបាន សុំឲ្យព្រះឥន្ទ្រាធិរាជជួយអន្តរាគមន៍ ចំពោះទេវតាដែលគ្រប់ក្រងខាងភ្លៀង ខ្យល់ រន្ទះ ព្យុះ សុំកុំឲ្យកាចៗពេកព្រោះស្ថានកណ្ដាលពេលនេះ កំពុងតែជួបប្រទះនូវវិបត្តិជម្ងឺកូវីដ ១៩ ចុះបើគ្រោះ ទាំងនេះកើតមានទៀតនោះ មិនមានន័យថាទុក្ខជាន់លើទុក្ខទៅ ហើយទេអ្ហីព្រះឥន្ទ្រាធិរាជ ។
សុំទោសខ្ញុំបានចូលរួមក្នុងអង្គប្រជុំនេះក្នុងថានៈ ជាទីប្រឹក្សាជាន់ខ្ពស់ព្រះឥន្ទ្រាធិរាជប៉ុណ្ណោះ មិនមែនជាអ្នកដែលមានសិទ្ធក្នុងការ បញ្ចេញមតិ ឬ ជូនយោបល់អ្វីទេ ។
បន្ទាប់ពីស្ដាប់ចប់ព្រះឥន្ទ្របានចាប់ផ្ដើមសួរទៅ គ្រប់តំណាងដែលចូលរួមឲ្យ បញ្ចេញមតិម្ដងម្នាក់ៗ ។ម្ចាស់ភ្នំស្ថានកែល្លាស់ដែល ជាកន្លែងតម្កល់ព្រះកេសកបិលមហាព្រហ្មនោះ បានមានយោបល់មុនគេថា នៅស្ថានកណ្ដាលពេលនេះ កំពុងតែជួបទុក្ខខ្លាំងរឿងកូវីដ ១៩ ។
ទេវតាជ្រូកដែលបានបញចប់បេសកកម្មរបស់ខ្លួន នាស្ថានកណ្ដាលតាំងពីថ្ងៃទី១៤មេសាមកនោះ ពេលនេះនៅជាប់ ធ្វើចត្តាឡីស័កនៅឡើយទេ ចំបោះទេវតាគោដែលទៅ បន្តតំណែងពេលនេះ ក៏មិនដឹងជាយ៉ាងណាដែរ ។
ព្រះឥន្ទ្រភ្លាត់មាត់ថា ស្អីនៅចាប់ធ្វើកាលៈទេសៈនៅឡើយទេ ? ក្នុងថានៈជាទីប្រឹក្សាជាន់ខ្ពស់ ឭព្រះឥន្ទ្រនិយាយខុសបែបនេះក៏ឱនទៅខ្សឹបប្រាប់ថាមិនមែនទេ ព្រះអង្គគឺចត្តាឡីស័ក ។ ព្រះក៏និយាយម្ដងទៀតថា អើជាប់ធ្វើនមោតស្សៈក៏ធ្វើទៅ ខ្ញុំក៏ឧិនខ្សឹបម្ដងទៀតថា ខុសហើយចត្តាឡីស័ក ។ព្រះឥន្ទ្រនិយាយថាអោះស្អីស័កក៏ស្អីទៅ តែសំខាន់ទេវតាដេលគ្រប់គ្រងមហន្តរាយ ទាំងឡាយឭហើយឬនៅហេតុនេះ អាចជួយសម្រួលបានឬទេ ?
ទេវតាដែលគ្រប់ក្រងខាងមហន្តរាយ បាននិយាយថាខ្ញុំមកនេះគ្រាន់ តែជាតំណាងទេទានព្រោះមេៗ របស់ទូលបង្គំក៏ជាប់ធ្វើចត្តឡីស័កដែរ ហើយគាត់មិនបាន ធ្វើសិទ្ធប្រទានឲ្យដល់ នរណាម្នាក់កាន់ការជំនួសឡើយ ។ទេវតាមានទម្លាប់មួយ គឺបើគ្មានសិទ្ធប្រទានទេនោះគឺ មានន័យថាមេទេវតានៅបន្ត គ្រប់គ្រងអំណាចដដែល ។ហេតុនេះសុំព្រះឥន្ត្ឬមេត្តាយោគយល់ទាន ។
ព្រះឥន្ទ្រងក់ព្រះកេសផ្ងក់ៗ ដូចបង្កួយទើបមានព្រះរាជឱង្ការថា ចាំយើងសរសេសំបុត្រ ទៅកាន់ក្រសួង គ្រប់គ្រងមហន្តរាយនាស្ថានកណ្ដាល ឲ្យប្រកាស ប្រាប់ពីមហន្តរាយដែលអាច នឹងកើតមានតែទេវតាត្រូវសរសេរ ពីកម្មវិធីមហន្តរាយ ដែលនឹងត្រូវកើតមាននោះ ឲ្យច្បាស់លាស់ដើម្បីខ្ញុំផ្ញើទៅកាន់ ក្រសួងនៅដើម្បីប្រកាសប្រាប់ប្រជាជន ៕