ប្រភពព័ត៌មានទាន់ហេតុការណ៍ក្រុងភ្នំពេញ

ក្មេងឈាមរាវមួយក្រុម ព្រួតគ្នាវាយតប់ទៅលើគូរប្រជែងស្នេហា ដណ្តើមយកស្រីស្នេហ៍របស់ខ្លួន ចេញពីរោងកាហ្វេ នៅស្រុកព្រៃកប្បាស

95

 

តាកែវ ៖ ស្នេហាត្រីកោណ បង្កជាហឹង្សាមួយដ៏សហាវ រវាងក្មេងស្ទាវមួយក្រុម បានរត់មកស្ទាក់វាយជនរងគ្រោះម្នាក់ យ៉ាងដំណំ ដោយសារតែជម្លោះរឿង ដណ្តើមស្រីស្នេហ៍របស់ខ្លួន ។ សកម្មភាពដ៏សាហាវ របស់ក្រុមក្មេងទំនើងទាំងនេះ បានបង្ហាញចេញតាមរយៈវីឌីអូកាមេរ៉ាសុវត្ថិភាព របស់ម្ចាស់រោងកាហ្វេមួយកន្លែង ស្ថិតនៅស្រុកព្រៃកប្បាស ខេត្តតាកែវ កាលពីវេលាម៉ោង ១៦និង៥៨នាទី ថ្ងៃទី ១៦ ខែឧសភា ឆ្នាំ២០២១ ។

បើតាមគណនីហ្វេសបុកមួយមានឈ្មោះ Thoo Love បានបង្ហោះដោយសរសេរខ្លឹមសារ ទាមទារឲ្យសមត្ថកិច្ចរកយុត្តិធម៌ដល់ជនរងគ្រោះ និងបានបញ្ជាក់ពីរូបជនដៃដល់ និងអសយដ្ឋានដែលរស់នៅភូមិ កំពែងត្បូង ឃុំពន្លៃ ស្រុកអង្គរបូរីផងដែរ ព្រោះសកម្មភាពរបស់ជនសង្ស័យ គឺសហាវខ្លាំងណាស់ បើតាមការបង្ហាញចេញតាមរយៈកាមេរ៉ាសុវត្ថិភាពនោះ ក្នុងក៏មានជាប់និងសំឡេង ពីការគំរាមចង់សម្លាប់ជនរងគ្រោះផងដែរ ។

បើតាមការបញ្ជាក់ពី លោក លេង ប៊ុនឡុង អធិការនគរបាលស្រុកព្រៃកប្បាស បានឲ្យដឹងតាមទូរស័ព្ទនៅព្រឹកថ្ងៃទី ១៨ ខែឧសភា នេះថា លោកទើបតែទទួលបានព័ត៌មាន ពីល្ងាចមិញនេះ ហើយភាគីខាងម្តាយរបស់ជនរងគ្រោះ បានទៅប្តឹងផ្ទាល់មាត់ នៅប៉ុស្តិ៍នគរបាលដែរ ដោយគ្រាន់តែសុំឲ្យសមត្ថកិច្ច កោះហៅយកមកណែនាំ កុំឲ្យមានការគុំគួនដល់កូនគាត់ទៀត និងមិនទាន់បានដាក់ពាក្យបណ្តឹងនៅឡើយទេ ។

លោកអធិការបន្តថា នៅព្រឹកនេះលោកនឹងចុះទៅដល់ទីតាំងរោងកាហ្វេកន្លែងកើតហេតុនោះ ដើម្បីធ្វើការអង្កេត និងសួរនាំពីដើមហេតុដែលកើតឡើង ហើយចំពោះជនសង្ស័យ គឺយើងបានកំណត់មុខសញ្ញាបានហើយ និងចាត់ការទៅតាមនីតិវិធីច្បាប់ បើទោះបីជាភាគីខាងជនរងគ្រោះ មិនបានប្តឹងក៏ដោយ ៕

https://www.facebook.com/100022664890770/videos/945861099512711/

អត្ថបទដែលជាប់ទាក់ទង