ធ្វើសកម្មភាពឆក់មិនបានសម្រេចប្រជាពលរដ្ឋដេញចាប់បានវាយទ្រោមខ្លួន ទើបប្រគល់អោយប៉ូលីសចាត់ការតាមច្បាប់

ភ្នំពេញ៖ ជនសង្ស័យម្នាក់ក្នុងចំណោមបក្ខពួក៤នាក់ត្រូវបានសមត្ថកិច្ចនគរបាលប៉ុស្តិ៍បឹងកក់ទី១ ធ្វើការឃាត់ខ្លួន ខណៈដែលជនសង្ស័យម្នាក់នេះនិងបក្ខពួកធ្វើសកម្មភាពឆក់មិនបានសម្រេច ហើយត្រូវបានប្រជាពលរដ្ឋដេញចាប់បាន ហើយនាំគ្នាព្រួតវាយទ្រោមខ្លួននោះ។

   អំពើឆក់ខាងលើនេះបានកើតឡើងកាលពីរាត្រីថ្ងៃទី២១ ខែសីហា ឆ្នាំ២០១៨ ម៉ោងប្រហែល ១៩និង៤៥នាទីនៅចំណុចមុខផ្ទះលេខ២ ផ្លូវ ៣១៥ក្រុមទី ៣០ ភូមិ៨ សង្កាត់បឹងកក់ទី១ ខណ្ឌទួលគោក រាជធានីភ្នំពេញ ។

  ជនសង្ស័យ ឈ្មោះ គឹម ប្រុសពៅ ហៅ ពៅ ភេទប្រុសអាយុ ២២ ឆ្នាំ ជនជាតិខ្មែរ មុខរបរពុំពិតប្រាកដ ស្នាក់នៅផ្ទះលេខ៦៥ ផ្លូវលេខ១៩៦ សង្កាត់ផ្សារដេប៉ូទី២ ខណ្ឌទួលគោក ជាអ្នកធ្វើសម្មភាពឆក់ ។

  ចំណែកជនរងគ្រោះ ឈ្មោះ ប៊ុន សុខហេង ភេទប្រុស អាយុ ១៧ ឆ្នាំ ជនជាតិខ្មែរ មុខរបរសិស្ស ស្នាក់នៅផ្ទះលេខ២៩០ ផ្លូវលំ ក្រុមទី១ សង្កាត់ជ្រោយចង្វារ ខណ្ឌជ្រោយចង្វារ រាជធានីភ្នំពេញ ។ 

   វត្ថុតាងចាប់យកមាន ម៉ូតូចំនួន ០១គ្រឿងម៉ាក Honda C125 ពណ៌ប្រផេះ សេរីឆ្នាំ ២០១៨ ពាក់ស្លាកលេខ ភ្នំពេញ 1CH-2448 (ជារបស់ជនសង្ស័យ) ។ ទួរស័ព្ទដៃចំនួន០១ គ្រឿង ម៉ាក iphone-plusពណ៌ ស (ជារបស់ជនរងគ្រោះ) ។

   មន្ត្រីប៉ូលីសផ្នែកព្រហ្មទណ្ឌខណ្ឌទួលគោកបានអោយដឹងថា នៅមុនពេលកើតហេតុជនរងគ្រោះបានជិះម៉ូតូ មួយគ្រឿងពីរនាក់បងប្រុសចេញពីផ្ទះ នៅម្ដុំសង្កាត់ជ្រោយចង្វាខណ្ឌជ្រោយចង្វារ ដោយជនរងគ្រោះជិះអង្គុយពីខាងក្រោយ ក្នុងគោលបំណង ទៅ ជួបជាមួយក្រុមគ្រួសារ ដើម្បីហូបចុក នៅ ហាង យីហោស្រីទូច នៅ ម្ដុំផ្សារ TK សង្កាត់បឹងកក់ទី១ នៅពេលជនរងគ្រោះ ជិះ មកដល់ ចំណុចកើតហេតុ ក៏បានដកទូរស័ព្ទដៃក្នុងគោលបំណងនិយាយ ទាក់ទងសួររកក្រុមគ្រួសារថាមកដល់ហើយឬនៅ ក្នុងពេលកំពុងតែនិយាយទូរស័ព្ទនោះស្រាប់តែមានជនសង្ស័យចំនួន៤នាក់ជិះម៉ូតូចំនួន ២គ្រឿង ១គ្រឿងម៉ាកស្កុបពីពណ៌ខ្មៅ ជិះគ្នាពីរនាក់និងមួយគ្រឿង ទៀតម៉ាក ហុងដា សេ125 ពណ៌ប្រផេះ ជិះគ្នា០២នាក់ដែរ បានជិះមកអែបជិតពីខាងឆ្វេងដៃជនរងគ្រោះរួចធ្វើសកម្មភាពឆក់ទូរស័ព្ទពីដៃជនរងគ្រោះបានហើយជិះគេចខ្លួន តែត្រូវបានជនរងគ្រោះស្រែកចោរៗជួយផងនិងដេញតាមចាប់បានជនសង្ស័យ០១នាក់ ដែលជាអ្នកធ្វើការភាពឆក់នៅក្បែរកន្លែងកើតហេតុនាំយកមកប្រគល់អោយសមត្ថកិច្ខនគរបាលប៉ុស្តិ៍បឹងកក់ទី១ ចាត់ការតាមផ្នូវច្បាប់ ។ រីឯជនសង្ស័យ០៣នាក់ទៀតបានជិះម៉ូតូគេចខ្លនបាត់ស្រមោល។

  ក្រោលពេឃាត់ខ្លួន សមត្ថកិច្ចយើងបានធ្វើតេស្តិទឹកនោមជនសង្ស័យស្វែងរកសារធាតុញៀនជាលទ្ធផល: វិជ្ជមាន (មានសារធាតុញៀន) ។

បច្ចុប្បន្នជនសង្ស័យឈ្មោះ គឹម ប្រុសពៅ កំពុង់ឃាត់ខ្លួនបណ្តោះអាសន្ននៅអធិការដ្ឋាននគរបាលខណ្ឌទួលគោកដើម្បីសាកសួរនិងកសាងសំណុំរឿងបញ្ជូនទៅសាលាដំបូងរាជធានីភ្នំពេញចាត់ការតាមផ្លូវច្បាប់៕