ក្រុមហ៊ុន Chamatharn Co,Ltdផ្ដល់ថ្នាំពេទ្យ ដល់រដ្ឋបាលខណ្ឌប្ញស្សីកែវសម្រាប់ចែកជូនពលរដ្ឋ
ភ្នំពេញ៖លោកជា ពិសី អភិបាលខណ្ឌប្ញស្សីកែវក្នុងនាមរដ្ឋបាលខណ្ឌប្ញស្សីកែវ និងក្នុងនាមលោកផ្ទាល់សូមថ្លែង អំណរគុណយ៉ាងជ្រាលជ្រៅជូនចំពោះ ក្រុមហ៊ុន Chamatharn Co,Ltd និង ស្ថានីយ៍ទូរទស្សន៍ប៉ុស្តិ៍លេខ៥ ដែលកាលពីថ្ងៃទី១៧ ខែមិថុនា ឆ្នាំ២០២១ បានចូលរួមឧបត្ថម្ភ ឱសថពេទ្យ ចំនួន ១០ កេសធំ និង ទឹកកកអនាម័យ EVA Premuim Ice ចំនួនមួយធុងធំ ជូនដល់ រដ្ឋបាលខណ្ឌប្ញស្សីកែវ ដើម្បីចូលរួមក្នុងការងារទប់ស្កាត់ការរីករាលដាលនៃជម្ងឺកូវីដ១៩ នៅក្នុងព្រឹត្តិការណ៍សហគមន៍២០កុម្ភៈ ក្នុងមូលដ្ឋានខណ្ឌប្ញស្សីកែវ។
លោកអភិបាលខណ្ឌក៏សូមជូនពរដល់ លោក លោកស្រី និងក្រុមគ្រួសារ ព្រមទាំងសហការី ជួបប្រទះតែពុទ្ធពរទាំងបួនប្រការ៕
