ឃាត់ខ្លួនប្តីកំណាចប្រើអំពើហឹង្សា វាយនិងគំរាមអារ ក សម្លាប់ប្រពន្ធ
កំពង់ឆ្នាំង ៖ កម្លាំងការិយាល័យជួញដូរមនុស្ស នៃកងរាជអាវុធហត្ថខេត្តកំពង់ឆ្នាំង បានឃាត់ខ្លួនបុរសជាប្តី ដែលប្រើអំពើហឹង្សា យកដំបងឫស្សីវាយប្រពន្ធ និងយកកាំបិតប៉័ងតោគំរាមអារ ក សម្លាប់ចោល ដោយសារតែភ្លើងប្រច័ណ្ឌនៅចំណុចផ្ទះជនរងគ្រោះភូមិទ្រាជើង ឃុំស្រែថ្មី ស្រុករលាប្អៀរ ខេត្តកំពង់ឆ្នាំង នៅថ្ងៃទី១៨ ខែមិថុនា ឆ្នាំ២០២១ វេលាម៉ោង១៤និង១០នាទី។
ជនសង្យ័យមាន ឈ្មោះ លី ម៉ារ៉ា អាយុ៤៧ឆ្នាំ មុខរបរមិនពិតប្រាកដ រស់នៅទីតាំងកើតហេតុខាងលើ ត្រូវបានឃាត់ខ្លួនរួមនឹងវត្ថុតាង ដំបងឫស្សី ប្រវែង៥០សង់ទីម៉ែត្រ និងកាំបិតប៉័ងតោចំនួន០១។
បច្ចុប្បន្ន ជនសង្ស័យ និងវត្ថុតាង ត្រូវបានឃាត់ខ្លួន និងកំពុងអនុវត្តតាមនីតិវិធី៕
