អភិបាលខណ្ឌថា៖ យុទ្ធនាការចាក់វ៉ាក់សាំង ការពារជំងឺកូវីដ-១៩ សម្រាប់ដូសទី២ នឹងត្រូវបិទបញ្ចប់នៅថ្ងៃទី២១ ខែមិថុនា ឆ្នាំ២០២១ ថ្ងៃស្អែកនេះ

ភ្នំពេញ៖អភិបាលខណ្ឌចំការមន លោកថេង សុថុល សូមជម្រាបជូនដល់បងប្អូនប្រជាពលរដ្ឋដែល រស់នៅក្នុងភូមិសាស្ត្រខណ្ឌចំការមន ទាំងអស់ឱ្យបានជ្រាបថា យុទ្ធនាការចាក់វ៉ាក់សាំងការពារជំងឺកូវីដ-១៩ សម្រាប់ដូសទី២ នឹងត្រូវបិទបញ្ចប់នៅថ្ងៃទី២១ ខែមិថុនា ឆ្នាំ២០២១ ថ្ងៃស្អែកនេះហើយ។

អាស្រ័យហេតុបានជម្រាបជូនខាងលើ សូមបងប្អូនប្រជាពលរដ្ឋដែលរស់ នៅក្នុងភូមិសាស្ត្រខណ្ឌចំការមន ដែលមិនទាន់បានចាក់វ៉ាក់សាំងការពារជំងឺកូវីដ-១៩ សម្រាប់ដូសទី២ មេត្តារុះរាន់ទៅចាក់វ៉ាក់សាំង នៅតាមមណ្ឌលទាំង ០៧ នៃសង្កាត់ទាំង ០៥ សូមអញ្ជើញបងប្អូនទៅចាក់ដូសទី២ អោយបានគ្រប់ៗគ្នា៕