ប្រតិបត្តិការបង្រ្កាប ករណីគ្រឿងញៀន ស្រុកអូររាំងឃាត់ខ្លួនមនុស្ស៩នាក់
ខេត្តមណ្ឌលគិរី ៖ ករណីគ្រឿងញៀនស្រុកអូររាំង ឃាត់ខ្លួនមនុស្ស៩នាក់ កម្លាំងជំនាញប្រឆាំងគ្រឿង
ញៀនស្រុកអូររាំង និងកម្លាំងការិយាលយ័ជំនាញ កំពុងកសាងសំណុំរឿង និងចាត់ការតាមនីតិវិធីច្បាប់។
ដោយមានការចង្អុលបង្ហាញបញ្ជាដឹកនាំពីលោកឧត្តមសេនីយ៍ទោ ឡោ សុខា ស្នងការនគរបាល ខេត្តមណ្ឌលគិរី លោកស្នងការរងទទួលផែនប្រឆាំងគ្រឿងញៀន និងលោក សៀក មុន្នី អភិបាលស្រុកអូររាំង នៅថ្ងៃទី២២ ខែមិថុនា ឆ្នាំ២០២១ វេលាម៉ោង០៩ និង៣០នាទី កម្លាំងនៃអធិការដ្ឋាននគរបាលស្រុកអូររាំង កម្លាំងប៉ុស្តិ៍សែនមនោរម្យ សហការជាមួយកម្លាំងជំនាញការិយាល័យប្រឆាំងគ្រឿងញៀនខេត្ត ដឹកនាំដោយលោកវរសេនីយ៍ឯក វ៉ាន ដានីន អធិការនគរបាលស្រុកអូររាំង ដោយមានការសម្របសម្រួលពីឯកឧត្ដម ម៉ម វ៉ាន់ដា ព្រះរាជអាជ្ញាអមសាលាដំបូងខេត្តមណ្ឌលគិរី បានចុះប្រតិបត្តិការបង្រ្កាបករណីជួញដូរ រក្សាទុក និងប្រើប្រាស់ដោយខុសច្បាប់នូវសារធាតុញៀន និងករណីប្រើប្រាស់អាវុធដោយខុសច្បាប់ នៅចំណុចផ្ទះរបស់ឈ្មោះ ឡាំ លន់ ស្ថិតក្នុងក្រុមពូជូរ ភូមិអណ្ដូងក្រឡឹង ឃុំសែនមនោរម្យ ស្រុកអូររាំង ខេត្តមណ្ឌលគិរី ។
ក្នុងប្រតិបត្តិការកម្លាំងយើងបានធ្វើការឃាត់ខ្លួនជនសង្ស័យចំនួន០១នាក់ឈ្មោះ ឡាំ លន់ ភេទប្រុស អាយុ ៦២ឆ្នាំ មានទីលំនៅក្នុងក្រុមពូជូរ ភូមិអណ្ដូងក្រឡឹង ឃុំសែនមនោរម្យ ស្រុកអូររាំង ខេត្តមណ្ឌលគិរី និងបានចាប់យកសម្ភារៈវត្ថុតាងមួយចំនួនមានដូចខាងក្រោម៖ ១- សាធាតុសង្ស័យជាសាធាតុញៀនមានសណ្ឋានជាក្រាមពណ៍សរថ្លាចំនួន០៦កញ្ចប់(០៣កញ្ចប់ធំល្មម និង០៣កញ្ចប់តូច)ទម្ងន់២៣,៥២ក្រាម(ថ្លឹងទាំងសំបកថង់)។
២- កាបូបដៃ(ពណ៌ដី) ០១។ ៣- កាំភ្លើងកែច្នៃ ០៣ ដើម។ ៤- ជញ្ជីងថ្លឹងសាធាតុញៀន ០១ គ្រឿង។
៥- ដាវសាំម៉ារ៉ៃ ០១។ ៦- កន្ត្រៃ ០៤ ។ ៧- ទុយោ ០១ ដុំ។ ៨- កាំបិតតូចស្រួច ០៣។ ៩- ដែកជំពុះទុង ០១ ។ ១០- ប្រាក់ចំនួន ៤,២០០,០០០៛(បួនលានម្ភៃម៉ឺនរៀល)នឹងប្រាក់ដុល្លា៦០$ (ហុកសិបដុល្លារ)។ ១២- លោហធាតុពណ៌ទង់ដែង(ខ្សែក) ១ខ្សែ។ ១៣- ជញ្ចៀន ២វង់។ ១៤- ការបូបខ្មៅដាក់សម្ភារៈ ១។ ១៥- កូនសៀវភៅ ១ក្បាល។ ១៦- ទូរសព្ទ ៥គ្រឿង។ ១៧- សំបកថង់សម្រាប់វេចខ្ចប់គ្រឿងញៀន ១៧៧ថង់។ ១៨- ម៉ូតូ ៥គ្រឿង(ខូច២គ្រឿង) និងម៉ូតូអ្នកប្រើប្រាស់គ្រឿងញៀនចំនួន៤គ្រឿង សរុប៩គ្រឿង ។ ១៩- ឧបករណ៍កែច្នៃសំរាប់ជក់គ្រឿងញៀនមួយចំនួន ។
បន្ទាប់មកកម្លាំងជំនាញប្រឆាំងគ្រឿងញៀនស្រុកអូររាំង បន្តប្រតិបត្តិការរហូតឈានដល់ការឃាត់ខ្លួនជនសង្ស័យពាក់ព័ន្ធបទល្មើសគ្រឿងញៀន និងបានធ្វើតេស្តរកសាធាតុញៀនលើជនសង្ស័យចំនួន០៨នាក់ស្រី០១នាក់ ដូចខាងក្រោម:
១- ឈ្មោះ ភឿង សុភារ៉ា ភេទប្រុស អាយុ៣០ឆ្នាំមុខរបរកសិករមានទីលំនៅភូមិពូហ្យាមឃុំសែនមនោរម្យស្រុកអូររាំងខេត្តមណ្ឌលគិរី លទ្ធផលវិជ្ជមាន(+)។ វត្ថុតាងម៉ូតូ ១គ្រឿង ម៉ាក ឆ្លាម ពណ៌ទឹកសមុទ្រ។
២- ឈ្មោះ អ៊ាន ឡើង ភេទប្រុសអាយុ២៩ឆ្នាំមុខរបរ កសិករ មានទីលំនៅភូមិអណ្ដូងក្រឡឹងឃុំសែនមនោរម្យស្រុកអូររាំងខេត្តមណ្ឌលគិរី លទ្ធផលវិជ្ជមាន(+)។ វត្ថុតាងម៉ូតូ ១គ្រឿង ម៉ាក វេវ ពណ៌ស។
៣- ឈ្មោះ សាលី ផេង ភេទប្រុសអាយុ៣៣ឆ្នាំមុខរបរ កសិករ ភូមិស្វាយចេក សង្កាត់ សុខដុម ក្រុងសែនមនោរម្យខេត្តមណ្ឌលគិរីលទ្ធផលវិជ្ជមាន (+)។
៤- ឈ្មោះ ធី ពិសី ភេទប្រុស អាយុ១៨ឆ្នាំមុខរបរ កសិករ មានទីលំនៅភូមិពូឡេះឃុំដាក់ដាំស្រុកអូររាំងខេត្តមណ្ឌលគិរីលទ្ធផលវិជ្ជមាន(+)។
៥- ឈ្មោះ ហ៊ីង ទិត្យ ភេទប្រុសអាយុ១៨ឆ្នាំ មុខរបរ កសិករ មានទីលំនៅភូមិពូឡេះឃុំដាក់ដាំស្រុកអូររាំងខេត្តមណ្ឌលគិរីលទ្ធផលវិជ្ជមាន(+)។ វត្ថុតាងម៉ូតូ ១គ្រឿង ម៉ាកឆ្លាម ពណ៌ស។
៦- ឈ្មោះ ព្លើម ធី ភេទស្រីអាយុ៤៨ឆ្នាំមុខរបរកសិករ មានទីលំនៅភូមិអណ្ដូងក្រឡឹងឃុំសែនមនោរម្យស្រុកអូររាំងខេត្តមណ្ឌលគិរីលទ្ធផលវិជ្ជមាន(+)។
៧- ឈ្មោះ រស់ រិទ្ធ ភេទប្រុស អាយុ ២៥ឆ្នាំ មុខរបរកសិករ ទីលំនៅភូមិចំការតែ សង្កាត់ស្ពានមានជ័យ ក្រុងសែនមនោរម្យ ខេត្តមណ្ឌលគិរី លទ្ធផលវិជ្ជមាន(+)។
៨- ឈ្មោះ ថូ រដ្ឋាក់ ភេទប្រុស អាយុ ១៩ឆ្នាំ មុខរបរសិស្ស ថ្នាក់ទី១១ ទីលំនៅភូមិចំការតែ សង្កាត់ស្ពានមានជ័យ ក្រុងសែនមនោរម្យ ខេត្តមណ្ឌលគិរី លទ្ធផលវិជ្ជមាន(+)។ វត្ថុតាងម៉ូតូ ១គ្រឿង ម៉ាកឌ្រីម ពណ៌ខ្មៅ ឆ្នាំ២០២១៕
