ស្លាប់ម្នាក់, របួសម្នាក់ ដោយគ្រោះថ្នាក់ចរាចរណ៍ នៅកៀនស្វាយ

កណ្ដាល៖សមត្ថកិច្ចប៉ូលិស បានអោយដឹងនៅព្រឹក ថ្ងៃទី២៥ខែមិថុនានេះថា ករណីគ្រោះថ្នាក់ចរាចរណ៍ផ្លូវគោក រវាងម៉ូតូនិងរថយន្ត បណ្តាលអោយស្លាប់ម្នាក់ និងរបួសធ្ងន់ម្នាក់ និងម៉ូតូខូចធ្ងន់០១គ្រឿង ។ ចំណែករថយន្តបាន បើករត់គេចបាត់ ។
កើតហេតុនៅថ្ងៃទី២៤ខែមិថុនាឆ្នាំ២០២១ នៅម៉ោង២០និង០៥នាទីនៅ
លើកំណាត់ផ្លូវជាតិលេខ១ ចន្លោះគីឡូម៉ែត្រ ៤៥-៤៦ ចំណុចភូមិសំរោង៣ ឃុំសំរោងធំ ស្រុកកៀនស្វាយខេត្តកណ្តាល។
សមត្ថកិច្ចបន្តទៀតថា នៅថ្ងៃខែឆ្នាំវេលាម៉ោងកើតហេតុខាងលើ មានរថយន្ត០១
គ្រឿងម៉ាកTOYOTA HIGHLANDER ពណ៌ទឹកប្រាក់ ប្រភេទទេសចរណ៍ ពាក់ផ្លាកលេខភ្នំពេញ 2AR-3948 បើកបរដោយជនមិនស្គាល់អត្តសញ្ញាណ ដែលបើកបរមានទិសដៅ ពីភ្នំពេញទៅអ្នកលឿង ។ ពេលបើកមកដល់ ចំណុចកើតហេតុខាងលើ បានបត់ឆ្លងកាត់ថ្នល់មកខាងឆ្វេង (ពីលិចទៅកើត )ទៅបុកជាមួយម៉ូតូម៉ាក HONDA ZOOMED X ពណ៌ លឿង(ស្លាទុំ) គ្មានផ្លាកលេខបើកបរដោយឈ្មោះ ចក ជីងហួរ ភេទប្រុស អាយុ១៤ឆ្នាំ ជនជាតិខ្មែរ មុខរបរសិស្ស(របួសធ្ងន់) បានឌុបឈ្មោះ លាង គឹមភៀង ភេទប្រុស អាយុ១៤ឆ្នាំ ជនជាតិខ្មែរ មុខរបរសិស្ស (ស្លាប់)អ្នកទាំង០២នាក់ មានទីលំនៅភូមគគីរធំ ឃុំគគីរធំ ស្រុកកៀនស្វាយ ខេត្តកណ្តាល ដែលបើកមានទិសដៅអ្នកលឿងភ្នំពេញ បណ្តាលអោយរបួសធ្ងន់ អ្នកបើកម៉ូតូត្រូវសាច់ញាតិ យកទៅព្យាបាល នៅមន្ទីរពេទ្យភ្នំពេញ ស្លាប់អ្នករួមដំណើរបាន ប្រគល់អោយគ្រួសារយកទៅ ធ្វើបុណ្យតាមប្រពៃណី។ ម៉ូតូខូចធ្ងន់០១គ្រឿង ដោយសាររថយន្តបុកអូសទៅមុខ ចំងាយ៣គីឡូម៉ែត្រ ទើបឈប់ហើយ បន្តបើករត់ គេចបាត់ទៅខាងអ្នកលឿង។ ម៉ូតូខូចខាកធ្ងន់បាន យកទៅរក្សាទុកនៅ អធិការដ្ឋានស្រុកកៀនស្វាយ ដើម្បីបន្តនីតិវិធីច្បាប់ ។
សន្និដ្ឋាន៖ករណីនេះបង្កឡើង ដោយអ្នកបើករថយន្តធ្វេសប្រហែស ខ្ជីខ្ជាមិនប្រុងប្រយ័ត្ន មិនបានពិនិត្យគ្រប់ជ្រុងជ្រោយ មុនពេលបើកឆ្លងកាត់ផ្លូវ៕