នាំអំណោយ អភិបាលរាជធានីភ្នំពេញ ជូនសមាគមជន ឥតទីពឹងនៅសង្កាត់កំបូល
ភ្នំពេញ៖លោក ឃឹម ស៊ុនសូដា អភិបាលខណ្ឌកំបូល រួមជាមួយលោកហោ វាសនា និងលោកស្រីទេព កញ្ចនា អភិបាលរងខណ្ឌ ព្រមទាំងមន្ត្រីខណ្ឌ-សង្កាត់ បាននាំយកអំណោយដ៏ថ្លៃថ្លារបស់លោក ឃួងស្រេង អភិបាលរាជធានីភ្នំពេញ និងលោកស្រីដែល អំណោយទាំងនោះរួមមាន គ្រឿងឧបភោគបរិភោគ ថ្នាំសង្កូវ ព្រមទាំងថវិកាចំនួនមួយលានរៀល ដេីម្បីផ្តល់ជូនដល់សមាគមជនឥតទីពឹង(មណ្ឌលមែកឈើ) ស្ថិតនៅភូមិលិចវត្ត សង្កាត់កំបូល ខណ្ឌកំបូល សម្រាប់ដោះស្រាយរបបហូបចុកប្រចាំថ្ងៃ ដល់អ្នកស្នាក់នៅក្នុងបន្ទុកសមាគម។
សូមបញ្ជាក់ជូនថា៖ ដោយអនុវត្តន៍ការដឹកនាំ របស់លោកឃួង ស្រេង អភិបាលរាជធានីភ្នំពេញ រដ្ឋបាលខណ្ឌកំបូលតែងតែនាំយកអំណោយឧបត្ថម្ភជាប្រចាំខែ ដល់អង្គការ/សមាគមន៍ចំនួន០២ ក្នុងភូមិសាស្ត្រខណ្ឌកំបូល ដោយក្នុងនោះ រួមមាន (១)សមាគមជនឥតទីពឹង(មជ្ឈមណ្ឌលមែកឈេី) ទទួលបានអង្ករ ១៥០គីឡូក្រាម និងថវិកា ១លានរៀល (២) អង្គការសង្គ្រោះជនអស់សង្ឃឹម ទទួលបានអង្ករ ២០០ គីឡូក្រាម និងថវិកា ១លានរៀល៕
