ប្រទេសចិន ដាក់ពាក្យបណ្តឹងទៅ WTO ប្រឆាំងនឹងវិធានការពន្ធ របស់សហរដ្ឋអាមេរិក ស្របពេលអាមេរិក ចាប់ផ្តើមពន្ធបន្ថែមចំនួន 25 ភាគរយ លើទំនិញរបស់ចិន

យោងតាមសេចក្តីប្រកាសមួយ ចេញដោយក្រសួងពាណិជ្ជកម្មចិន កាលពីថ្ងៃព្រហស្បតិ៍ថា ប្រទេសចិន បានដាក់ពាក្យបណ្តឹង ទៅអង្គការពាណិជ្ជកម្មពិភពលោក (WTO) ប្រឆាំងនឹងវិធានការពន្ធ របស់សហរដ្ឋអាមេរិក។

នៅក្រោមផ្នែកទី 301 សហរដ្ឋអាមេរិក បានអនុវត្តពន្ធបន្ថែម លើការនាំចូលចំនួន 16 ពាន់លានដុល្លារសហរដ្ឋអាមេរិច។

អ្នកនាំពាក្យ MOFCOM បាននិយាយ នៅក្នុងសេចក្តីថ្លែងការណ៍ តាមអ៊ីនធឺណែត កាលពីថ្ងៃព្រហស្បតិ៍ថា ដោយការដាក់ចេញនូវពាក្យបណ្តឹង នៅក្រោមយន្តការដោះស្រាយជម្លោះ របស់អង្គការពាណិជ្ជកម្មពិភពលោកនោះ ប្រទេសចិនកំពុងការពារយន្តការ ពាណិជ្ជកម្មសេរី និងយន្តការពហុភាគី ព្រមទាំងសិទ្ធិនិងផលប្រយោជន៍ ស្របច្បាប់របស់ខ្លួន។

យោងតាមសេចក្តីថ្លែងការណ៍ បានឱ្យដឹងថា ដោយការដាក់ពន្ធគយ ដោយចេតនានៅថ្ងៃព្រហស្បតិ៍ សហរដ្ឋអាមេរិកបានរំលោភបំពានច្បាប់ របស់អង្គការពាណិជ្ជកម្មពិភពលោក។

សេចក្តីថ្លែងការណ៍បាននិយាយថា “ប្រទេសចិនប្រឆាំងជំទាស់ យ៉ាងម៉ឺងម៉ាត់ ហើយត្រូវតែចាត់វិធានការណ៍ ចាំបាច់ ជាថ្មីម្តងទៀត” ។

តម្លៃទំនិញរបស់ចិន ដែលមានតម្លៃ 16 ពាន់លានដុល្លារអាមេរិក បានចូលជាធរមាន នៅម៉ោង 12:01 នាទីព្រឹក។ យោងតាមគណៈកម្មាការគយ នៃក្រុមប្រឹក្សារដ្ឋ បានឱ្យដឹងថា BJT ក្នុងពេលដំណាលគ្នា ជាមួយសហរដ្ឋអាមេរិក ដែលបានចាប់ផ្តើមពន្ធបន្ថែមចំនួន 25 ភាគរយ លើទំនិញចំនួនស្រដៀងគ្នា នៃទំនិញរបស់ចិននៅម៉ោង 12:01 នាទីព្រឹក (0401 GMT) នៅថ្ងៃព្រហស្បតិ៍៕