លោកយាយ អាយុ១០២ឆ្នាំ ស្ម័គ្រចិត្តមកទទួល ការចាក់វ៉ាក់សាំង បង្ការជំងឺកូវីដ១៩បាន ទទួលអំណោយសម្ដេចតេជោ
ភ្នំពេញ៖ កាលពីរសៀថ្ងៃទី៤ខែកក្កដាឆ្នាំ២០២១នេះ លោកថេង សុថុលអភិបាលខណ្ឌចំការមន និងសហការីដោយ បានរួមដំណើរជាមួយ ក្រុមការងារនៃក្រសួងសុខាភិបាល ដឹកនាំដោយ លោកជំទាវវេជ្ជបណ្ឌិត ឱ វណ្ណឌីន រដ្ឋលេខាធិការក្រសួងសុខាភិបាល និងជាប្រធានគណកម្មការចំពោះកិច្ច ចាក់វ៉ាក់សាំងកូវីដ-១៩ ក្នុងក្របខណ្ឌទូទាំងប្រទេស (គ.វ.ក-១៩) នាំយកជំនួយ ឧបត្ថម្ភនូវថវិកាចំនួន ៣លានរៀល និងសម្ភារៈគ្រឿង ឧបភោគបរិភោគមួយចំនួន ដែលជាអំណោយ ដ៏ថ្លៃថ្លារបស់ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ប្រគល់ជូនដល់ លោកយាយ ម៉េង គីមស៊ន អាយុ ១០២ឆ្នាំដែលរស់នៅ ក្នុងមូលដ្ឋានសង្កាត់ទួលទំពូងទី២ ខណ្ឌចំការមន នៃរាជធានីភ្នំពេញ ដែលលោកយាយបានស្ម័គ្រចិត្តទៅ ទទួលការ ចាក់វ៉ាក់សាំងបង្ការជំងឺកូវីដ-១៩។ដូចនេះសូមជូនពរលោកយាយ មានសុខភាពល្អផងដែរ៕
