សាប៊ូ និងគ្រឿងសម្អាងក្លែងក្លាយ ចំនួន២២មុខ ប្រមាណ៥តោន ត្រូវបានបង្រ្កាប

លោកឧត្តមសេនីយទោ ឡុង ស្រេង អនុប្រធាននាយកដ្ឋាននគរបាលប្រឆាំងបទល្មើសសេដ្ឋកិច្ច ក្រសួងមហាផ្ទៃ បានឲ្យដឹងថា នាព្រឹកថ្ងៃទី២៥ ខៃសីហា ឆ្នាំ២០១៨ នគរបាលប្រឆាំងបទល្មើសសេដ្ឋកិច្ច ដឹកនាំដោយលោកឧត្ដមសេនីយ៍ឯក ចាន់ វ៉ាន់ធឿន ប្រធាននាយកដ្ឋាននគរបាលប្រឆាំបទល្មើសសេដ្ឋកិច្ច សហការជាមួយមន្ដ្រីក្រសួងសុខាភិបាល ក្រសួងឧស្សាហ៍កម្ម និងអាជ្ញាធមូលដ្ឋាន ដោយមានការសម្របសម្រួលពីលោក ស្រី ម៉ាកនី ព្រះរាជអាជ្ញារងអមសាលាដំបូងរាជធានីភ្នំពេញ បានចុះបង្ក្រាបទីតាំង លួចផលិតវេចខ្ចប់សាប៊ូ និងគ្រឿងសម្អាងក្លែងក្លាយ ចំនួន២២មុខ ប្រមាណ៥តោន នៅភូមិជ្រៃកោង សង្កាត់ចោមចៅ២ ខណ្ឌសែនជ័យ រាជធានីភ្នំពេញ៕