គ្រោះថ្នាក់ចរាចរថ្ងៃទី២៥សីហា កើតឡើង ៦លើក ស្លាប់ម្នាក់ រងរបួសធ្ងន់ស្រាល១១នាក់
ភ្នំពេញ៖ នៅថ្ងៃទី២៥ ខែសីហា ឆ្នាំ២០១៨ មានករណីគ្រោះថ្នាក់ចរាចរនៅទូទាំងប្រទេសកើតឡើង ចំនួន៦លើក(យប់៦លើក) បណ្តាលឲ្យមនុស្សស្លាប់ ១នាក់ (ស្រីម្នាក់) រងរបួសធ្ងន់៧នាក់ (ស្រី២នាក់) និងរងរបួសស្រាល៤នាក់(ប្រុស)។ ក្នុងនោះអ្នកមិនពាក់មួកសុវត្ថិភាព ពេលគ្រោះថ្នាក់ចរាចរណ៍ ៧នាក់ ( យប់៧នាក់ )។ យោងតាមរបាយការណ៍ពីនាយកដ្ឋាននគរបាលចរាចរណ៍ និងសណ្តាប់សាធារណៈ នៃអគ្គស្នងការដ្ឋាននគរបាលជាតិ។
ប្រភពដដែលបានឱ្យដឹងថា មូលហេតុដែលបណ្តាលឲ្យកើតមានករណីគ្រោះថ្នាក់ចរាចររួមមានៈ ល្មើសល្បឿន ២លើក មិនគោរពសិទ្ធិ ២លើក មិនប្រកាន់ស្តាំ ១លើក(ស្លាប់ម្នាក់)និងបត់គ្រោះថ្នាក់ ១លើក និងបណ្តាលឲ្យខូចខាតយានយន្ត សរុបចំនួន ១១គ្រឿង រួមមាន ម៉ូតូ ចំនួន ១គ្រឿង។ យានយន្តដែលបង្កហេតុ រួមមាន ម៉ូតូ ៤លើក ម៉ូតូរ៉ឺម៉ក ១លើក។ គ្រោះថ្នាក់នៅលើដងផ្លូវ រួមមាន ផ្លូវជាតិ ចំនួន៣លើក ផ្លូវខេត្ត ២លើក ផ្លូវលំ ១លើក។ រាជធានី-ខេត្ត ដែលមានគ្រោះថ្នាក់និងរងគ្រោះថ្នាក់ រួមមាន ៖ ភ្នំពេញ ១លើក ស្លាប់ម្នាក់។
តាមរបាយការណ៍គ្រោះថ្នាក់ចរាចរទូទាំងប្រទេស រយៈពេល២៥ថ្ងៃ គិតចាប់ពីថ្ងៃទី១ ខែសីហា ដល់ថ្ងៃទី២៥ ខែសីហា ឆ្នាំ២០១៨ មានគ្រោះថ្នាក់ចំនួន ២០៧លើក ស្លាប់ចំនួន៩៦នាក់ របួសសរុបចំនួន២៧៨នាក់ របួសធ្ងន់ ១៧៩នាក់ របួសស្រាលចំនួន៩៩នាក់។
លទ្ធផលត្រួតពិនិត្យការអនុវត្តច្បាប់ចរាចរណ៍ថ្ងៃទី២៥ ខែសីហា ឆ្នាំ២០១៨ គិតពីម៉ោង១៤ ថ្ងៃទី២៤ ខែសីហា ដល់ម៉ោង១៤ ថ្ងៃទី២៥ ខែសីហា ឆ្នាំ២០១៨ រួមមាន ៖ មធ្យោបាយចូលគោលដៅ ១.៨៨៣ គ្រឿង (ម៉ូតូ៤៦ភាគរយ) មធ្យោបាយល្មើស ២២៧គ្រឿង (ម៉ូតូ៦០ភាគរយ) អប់រំ ៩៣គ្រឿង (ម៉ូតូ៤១ភាគរយ) ពិន័យ ១៣៤ គ្រឿង (ម៉ូតូ១០០ភាគរយ) ៕
