នគរបាលប៉ុស្តិ៍បឹងទំពន់ទី១ ឃាត់ខ្លួនជនសង្ស័យ៣នាក់ ករណីប៉ុនប៉ងលួចយកម៉ូតូ
ភ្នំពេញ ៖ កម្លាំងនគរបាលប៉ុស្តិ៍បឹងទំពន់ទី១ បានធ្វើការល្បាតពួនស្ទាក់នៅក្នុងមូលដ្ឋានខណ្ឌ បានឃាត់ខ្លួនជនសង្ស័យ៣នាក់ ករណីប៉ុនប៉ងលួចយកម៉ូតូ នៅចំណុចបណ្តោយផ្លូវលំ ភូមិចំរើនផល៣ សង្កាត់ បឹងទំពន់ទី១ ខណ្ឌមានជ័យ រាជធានីភ្នំពេញ កាលពីថ្ងៃទី១៥ ខែសីហា ឆ្នាំ២០២១ វេលាម៉ោង០១និង២០នាទី រំលងអធ្រាត្រ ។
ជនសង្ស័យឈ្មោះ រ៉ាត់ វីរៈ ហៅ រ័ក្ស ភេទប្រុស អាយុ ១៨ឆ្នាំជនជាតិខ្មែរទីលំនៅផ្ទះជួល ផ្លូវលំ ភូមិព្រែកទាល់ សង្កាត់បឹងទំពន់ទី១ ខណ្ឌមានជ័យ រាជធានីភ្នំពេញ មុខរបរ មិនពិតប្រាកដ (ឃាត់ខ្លួនមានផ្ទុកសារធាតុញៀន)។ ឈ្មោះ ទិត្យ រ៉ាម៉ន ហៅ ង៉ោល ភេទ ប្រុស អាយុ ១៨ ឆ្នាំ ជនជាតិខ្មែរ ទីលំនៅផ្ទះជួល ផ្លូវលំ ភូមិព្រែកទាល់ សង្កាត់បឹងទំពន់ទី១ខណ្ឌមានជ័យ រាជធានីភ្នំពេញ មុខរបរ មិនពិតប្រាកដ (ឃាត់ខ្លួនមានផ្ទុកសារធាតុញៀន) ។ ឈ្មោះ សុខ សង្ហា ហៅម៉ៅ ភេទប្រុស អាយុ ១៨ ឆ្នាំ ជនជាតិខ្មែរ ទីលំនៅផ្ទះជួល ផ្លូវលំ ភូមិព្រែកទាល់សង្កាត់បឹងទំពន់ទី១ ខណ្ឌ មានជ័យ រាជធានីភ្នំពេញ មុខរបរ មិនពិតប្រាកដ(ឃាត់ខ្លួនមានផ្ទុកសារធាតុញៀន)។
ហេតុការណ៍បានកើតឡើងកាលពីថ្ងៃទី ១៥ ខែសីហា ឆ្នាំ២០២១ វេលាម៉ោង០១និង២០នាទីរំលងអធ្រាត្រ កម្លាំងនគរបាលប៉ុស្តិ៍បឹងទំពន់ទី១ បានធ្វើការល្បាតពួនស្ទាក់នៅក្នុងមូលដ្ឋានខណ្ឌ ពេលមកដល់ចំណុចបណ្តោយផ្លូវលំ ភូមិ ចំរើនផល៣ សង្កាត់ បឹងទំពន់ទី១ ខណ្ឌមានជ័យ រាជធានីភ្នំពេញ (ចំណុចកើតហេតុ) ស្រាប់តែឃើញជនសង្ស័យចំនួន០៣នាក់ ជិះម៉ូតូ០១គ្រឿងម៉ាកវីវ៉ា ពណ៌ខ្មៅ គ្មានផ្លាកលេខ (ម៉ូតូចាស់) ល្មើសបម្រាមគោចរ ឃើញដូចនោះសមត្ថកិច្ចយើង បានចូលទៅឃាត់ម៉ូតូជនសង្ស័យទាំង០៣នាក់ ធ្វើការត្រួតពិនិត្យឆែកឆេរ រកឃើញឧបករណ៍សម្រាប់ឆ្កឹះសោរទ្វារផ្ទះ និង សម្រាប់កាច់សោរកម៉ូតូមួយចំនួនរួមមាន៖ ដែកចុងចំនួន០១ដើម , សោរទីបលេខ០៨ចំនួន០២ដើម, សោរចិញ្ចៀនលេខ១០ចំនួន០១ដើម, សរសៃដែកលួសចំនួន០៤កំណាត់ , ទុលឡឺវីសចំនួន០១ដើម , ដង្កាប់ចំនួន០១, កូនកន្ត្រៃចំនួន០១, ពិលចំនួន០១, កូនសោរម៉ូតូចំនួន០១ ដាក់ក្នុងកាបូបស្ពាយពណ៌ខ្មៅចំនួន០១ នៅជាប់ខ្លួនជនសង្ស័យឈ្មោះ ទិត្យ រ៉ាម៉ន ហៅ ង៉ោល ភ្លាមនោះសមត្ថកិច្ចយើងក៏បាននាំខ្លួនជនសង្ស័យ ទាំង០៣នាក់ឈ្មោះ រ៉ាត់ វីរៈ ហៅ រ័ក្ស , ឈ្មោះ ទិត្យ រ៉ាម៉ន ហៅ ង៉ោល និងឈ្មោះ សុខ សង្ហា ហៅម៉ៅ យកមកសាកសួរស្នាក់ការនគរបាលប៉ុស្តិ៍បឹងទំពន់ទី១ បន្ទាប់ពីសាកសួរជនសង្ស័យទាំង០៣នាក់ បានឆ្លើយសារភាពថា ពួកគេពិតជាបានដើរ រកឆ្កឹះសោរទ្វារផ្ទះប្រជាពលរដ្ឋ ដើម្បីលួចយកម៉ូតូ នៅក្នុងសង្កាត់ បឹងទំពន់ទី១ ខណ្ឌមានជ័យពិតប្រាកដមែន។
នៅពេលឃាត់ខ្លួនជនសង្ស័យឈ្មោះ រ៉ាត់ វីរៈ ហៅ រ័ក្ស ,ឈ្មោះ ទិត្យ រ៉ាម៉ន ហៅង៉ោល និងឈ្មោះសុខ សង្ហា ហៅម៉ៅ សមត្ថកិច្ចយើង បានចាប់យកវត្ថុតាង ៖ ម៉ូតូ០១គ្រឿងម៉ាកវីវ៉ា ពណ៌ខ្មៅ គ្មានផ្លាកលេខ លេខតួ+ម៉ាស៊ីនរលប់មើលមិនឃើញ (ម៉ូតូចាស់), ដែកចុងចំនួន០១ដើម , សោរទីបលេខ០៨ចំនួន០២ដើម, សោរចិញ្ចៀនលេខ១០ចំនួន០១ដើម, សរសៃដែកលួសចំនួន០៤កំណាត់ , ទុលឡឺវីសចំនួន០១ដើម , ដង្កាប់ចំនួន០១, កូនកន្ត្រៃចំនួន០១, ពិលចំនួន០១, កូនសោរម៉ូតូចំនួន០១, កាបូបស្ពាយពណ៌ខ្មៅចំនួន០១។
បច្ចុប្បន្នជនសង្ស័យឈ្មោះទិត្យ រ៉ាម៉ន ហៅ ង៉ោល ,ឈ្មោះ រ៉ាត់ វីរៈ ហៅ រ័ក្ស និងឈ្មោះ សុខ សង្ហា ហៅម៉ៅ ឃាត់ខ្លួននៅអធិការដ្ឋាននគរបាលខណ្ឌមានជ័យ ដើម្បីកសាងសំណុំរឿងចាត់តាមនីតិវិធី៕
