រុស្ស៊ី និងចិន បានធ្វើសមប្រយុទ្ធរួមគ្នា
ទីក្រុងមូស្គ៉ូ៖ រដ្ឋមន្ត្រីក្រសួងការពារជាតិរុស្ស៊ីលោក Sergei Shoigu បានកោតសរសើរកិច្ចសហប្រតិបត្តិការយោធារវាងទីក្រុងមូស្គ៉ូនិងទីក្រុងប៉េកាំង ហើយបានស្នើឲ្យមានកិច្ចសហប្រតិបត្តិការបន្ថែមទៀត បន្ទាប់ពីធ្វើដំណើរទៅកាន់ប្រទេសចិនដើម្បីចូលរួមសមយុទ្ធរួមគ្នាដែលមានកងទ័ពជាង ១ ម៉ឺននាក់ ។
កាលពីថ្ងៃសុក្រ សមប្រយុទ្ធដែលមានឈ្មោះ សង្គ្រាម Sibu /កិច្ចសហប្រតិបត្តិការ ២០២១ ដែលបញ្ចប់នៅតំបន់ Ningxia ប្រទេសចិន ត្រូវបានឃ្លាំមើលដោយប្រទេសដទៃទៀតក្រោមហេតុផលថា ចិន និងរុស្ស៊ីកំពុងពង្រីកទំនាក់ទំនងយោធានៅពេលដែលមានជម្លោះជាមួយប្រទេសលោកខាងលិច។
នៅក្នុងសេចក្តីថ្លែងការណ៍មួយរបស់ក្រសួងការពារជាតិ លោក Shoigu បាននិយាយថា “យើងសម្រេចបាននូវទំនាក់ទំនងកម្រិតខ្ពស់រវាងកងកម្លាំងប្រដាប់អាវុធរបស់យើងនៅដែនគោក ដែនអាកាស និងនៅលើសមុទ្រ” ។ “ការកើនឡើងនេះគឺជាទំនោរសំខាន់ដើម្បីឆ្ពោះទៅរកសកម្មភាពបន្ថែមទៀត” ។
រុស្ស៊ី និងចិនបានធ្វើសមប្រយុទ្ធរួមគ្នាតាំងពីឆ្នាំ ២០០៥ ប៉ុន្តែលោក Shoigu ដែលជាសម្ព័ន្ធមិត្តជិតស្និទ្ធរបស់ប្រធានាធិបតី Vladimir Putin បានកត់សម្គាល់ថានេះជាលើកដំបូងដែលយោធារុស្ស៊ីបានចូលរួមក្នុងព្រឹត្តិការណ៍ប្រភេទនេះនៅប្រទេសចិន។
នៅសប្តាហ៍នេះ សារព័ត៌មាន Kommersant របស់រុស្ស៊ីបាននិយាយថា ការធ្វើសមប្រយុទ្ធនេះក៏ជាកំណត់សម្គាល់ជាលើកដំបូងដែលទាហានរុស្ស៊ីបានប្រើប្រាស់អាវុធរបស់ចិន។
នៅសប្តាហ៍នេះផងដែរ ប្រទេសរុស្ស៊ីបានបញ្ចប់ការធ្វើសមយុទ្ធរួមគ្នានៅ Tajikistan ជាមួយកងកម្លាំង Uzbek និង Tajik នៅជិតព្រំដែនជាមួយអាហ្វហ្គានីស្ថានដែលជាកន្លែងដែលក្រុមតាលីបង់បានវាយប្រហារទៅមុខយ៉ាងឆាប់រហ័ស ខណៈដែលសហរដ្ឋអាមេរិកដកកងទ័ពរបស់ខ្លួន បណ្តាលឲ្យពិភពលោកកំពុងឈឺក្បាលទៅលើផ្នែកសន្តិសុខ។
ទីក្រុងមូស្គ៉ូបានគាំទ្រចិននៅឆ្នាំ ២០១៤ ដោយសារទំនាក់ទំនងនយោបាយរបស់ខ្លួនជាមួយប្រទេសលោកខាងលិចបានធ្លាក់ចុះក្រោយសង្គ្រាមត្រជាក់ជុំវិញការបញ្ចូលតំបន់ Crimea ជាឧបសម្ព័ន្ធពី ប្រទេសអ៊ុយក្រែន។ ចិនគឺជាដៃគូពាណិជ្ជកម្មធំបំផុតរបស់រុស្ស៊ី ៕
