គ្រោះថ្នាក់ចរាចរណ៍ រវាងរថយន្តកុងតឺន័រ ប៉ុកប៉ះនឹងម៉ូតូ ហើយរេចង្កូតទៅបុកប៉ះនឹងរថយន្ត ០១គ្រឿងទៀត

ព្រះសីហនុ ៖ វេលាម៉ោង១៧:៣៥នាទីល្ងាច ថ្ងៃទី០១ ខែកញ្ញា ឆ្នាំ២០២១ មានករណីគ្រោះថ្នាក់ចរាចរណ៍មួយ រវាងរថយន្តកុងតឺន័រ ០១គ្រឿង ម៉ាកPeterliet បានប៉ុកប៉ះនឹងម៉ូតូ ០១គ្រឿង ហើយរេចង្កូតទៅបុកប៉ះនឹងរថយន្ត ០១គ្រឿងទៀត ម៉ាកNissan Navira ពណ៌ស ក្នុងទិសដៅខេត្តព្រះសីហនុ-រាជធានីភ្នំពេញ ស្ថិតនៅលើដងផ្លូវជាតិលេខ៤ ត្រង់ចន្លោះគីឡូម៉ែត្រលេខ: ១៨៥-១៨៦ ស្ថិតក្នុងភូមិត្រពាំងស្អុយ២ ឃុំអណ្តូងថ្ម ស្រុកព្រៃនប់ ខេត្តព្រះសីហនុ។

ចំពោះមុខ កម្លាំងមូលដ្ឋានកងរាជអាវុធហត្ថស្រុកព្រៃនប់ បានសហការជាមួយនឹងមន្រ្តីនគរបាលផ្នែកចរាចរណ៍ស្រុក ចុះការពារទីតាំងកន្លែងកើតហេតុ និងសម្រួលចរាចរណ៍បញ្ចៀសការកកស្ទះលើដងផ្លូវ។

ហេតុការណ៍នេះ មិនបណ្ដាលឱ្យមានមនុស្សរងរបួស ឬគ្រោះថ្នាក់អាយុជីវិតនោះឡើយ បច្ចុប្បន្នវត្ថុតាងខាងលើ កំពុងរង់ចាំរថយន្តស្ទូច យកទៅរក្សាទុកនៅអធិការដ្ឋាននគរបាលស្រុកព្រៃនប់ ដើម្បីបន្តនិតិវិធី។