ទិញថ្នាំញៀនពីផឧដុង្គ មកចែកចាយនៅប្ញស្សីកែវ ត្រូវ នគរបាលខណ្ឌប្ញស្សីកែវ បង្ក្រាប និងឃាត់ខ្លួនជនសង្ស័យ ៦នាក់ និងថ្នាំញៀនជាច្រើន

ភ្នំពេញ ៖ កម្លាំងជំនាញ នៃអធិការដ្ឋាននគរបាលខណ្ឌឫស្សីកែវ បើកកិច្ចប្រតិបត្តិការបង្ក្រាបជាក់ស្ដែង លើករណីជួញដូរដោយខុសច្បាប់នូវសារធាតុញៀន ដោយបានឃាត់ខ្លួនជនសង្ស័យជាបន្តបន្ទាប់ កាលពីថ្ងៃទី០៩ ខែកញ្ញា ឆ្នាំ២០២១ នៅចំណុចភូមិស្វាយប៉ាក សង្កាត់ស្វាយប៉ាក ខណ្ឌឫស្សីកែវ រាជធានីភ្នំពេញ ដោយជាលទ្ធផលកម្លាំងផ្នែកជំនាញបានធ្វើការឃាត់ខ្លួនជនសង្ស័យចំនួន ០៣នាក់ (ស្រី ០១នាក់) ។

លោក ហ៊ាង ថារ៉េត អធិការខណ្ឌប្ញស្សីកែវ បានបញ្ជាក់ថា ជនសង្ស័យប្រុសស្រីទាំង៦នាក់ មានឈ្មោះដូចខាងក្រោមៈ
១-ឈ្មោះ ទូច ប៉ុន ភេទ ប្រុស អាយុ ២៦ឆ្នាំ ជនជាតិខ្មែរ ស្នាក់នៅក្នុងការដ្ឋានសំណង់ ក្នុងខណ្ឌជ្រោយចង្វា រាជធានីភ្នំពេញ មុខរបរ កម្មករ ។
២-ឈ្មោះ គុយ សុដា ភេទ ប្រុស អាយុ ២៨ឆ្នាំ ជនជាតិខ្មែរ ស្នាក់នៅក្នុងការដ្ឋានសំណង់ ក្នុងខណ្ឌជ្រោយចង្វារ រាជធានីភ្នំពេញ មុខរបរ កម្មករ ។
៣-ឈ្មោះ ស៊ុន សុខមាន ភេទ ស្រី អាយុ ២០ឆ្នាំ ជនជាតិខ្មែរ ស្នាក់នៅក្នុងការដ្ឋានសំណង់ ក្នុងខណ្ឌជ្រោយចង្វារ រាជធានីភ្នំពេញ មុខរបរ កម្មករ ។
៤-ឈ្មោះ កៅ យឿន ភេទ ស្រី អាយុ ៤០ឆ្នាំ ។
៥-ឈ្មោះ អាស៊ិច នៅចំណុចជិតផ្សារឧត្តុង្គ ផ្លូវជាតិលេខ ៥ ខេត្តកំពង់ស្ពឺ ។
៦-ឈ្មោះ អ៊ូ ណាង ភេទ ប្រុស ជាអ្នករត់ម៉ូតូឌុប ។

ព្រមទាំងដកហូតវត្ថុតាងរួមមាន: គ្រឿងញៀនក្រាមពណ៌សថ្លាសង្ស័យចំនួន ០១កញ្ចប់ធំ (ជារបស់ជនសង្ស័យឈ្មោះ ទូច ប៉ុន ) , ម៉ូតូ ០១ គ្រឿង ០១គ្រឿង ម៉ាក វីនន័រ (Vineer) ពណ៍ ខ្មៅ គ្មានស្លាកលេខ និងជញ្ជីងសំរាប់ថ្លឹងគ្រឿងញៀន ០១គ្រឿង នាំអធិការដ្ឋាននគរបាលខណ្ឌឫស្សីកែវ ដើម្បីឃាត់ខ្លួនធ្វើការសាកសួរ និងចាត់ការតាមនីតិវិធីច្បាប់ ។

ក្រោយពីធ្វើការសាកសួរ ទៅលើជនសង្ស័យ ទាំង ០៣នាក់ និងផ្អែកលើចម្លើយរបស់ជនសង្ស័យ ឈ្មោះ ទូច ប៉ុន បានសារភាពថាខ្លួនបានទិញ គ្រឿងញៀនទាំងនេះ ពីបុរសម្នាក់ឈ្មោះ អាស៊ិច នៅម្តុំផ្សារឧត្តុង្គ ទើបកម្លាំងសមត្ថកិច្ចផ្នែកជំនាញ នៃអធិការដ្ឋាន បានសហការជាមួយកម្លាំងការិយាល័យប្រឆាំងគ្រឿងញៀន នៃស្នងការដ្ឋាននគរបាលរាជធានីភ្នំពេញ បង្កើតក្រុមប្រតិបត្តិការ ០១ក្រុម បន្តនីតិវិធីឈានដល់ធ្វើការឃាត់ខ្លួនបានជនសង្ស័យ ០១នាក់ ឈ្មោះ អាស៊ិច នៅចំណុចជិតផ្សារឧត្តុង្គស្ថិតនៅផ្លូវជាតិលេខ ៥ ខេត្តកំពង់ស្ពឺ និងបានធ្វើការសួរចម្លើយភ្លាមៗទៅលើជនសង្ស័យឈ្មោះ អាស៊ិច ហើយជនសង្ស័យនេះបានឆ្លើយសារភាពថាខ្លួនបានទិញគ្រឿងញៀនពីស្រ្តីម្នាក់ឈ្មោះ កៅ យឿន ភេទ ស្រី អាយុ ៤០ឆ្នាំ ។ ខណៈពេលទទួលបានចម្លើយរបស់ជនសង្ស័យឈ្មោះ អាស៊ិច ភ្លាម ក្រុមប្រតិបត្តិការបានបន្តនីតិវិធីដោយឲ្យជនសង្ស័យទំនាក់ទំនងទៅស្រ្តីដែលលក់គ្រឿងញៀនឲ្យ ហើយជនសង្ស័យឈ្មោះ កៅ យឿន បានណាត់ឲ្យឈ្មោះ អាស៊ិច ឲ្យមកជួបនៅចំណុចមុខស្ថានីយ៍ប្រេងឥន្ទនៈតេលា ស្ថិតនៅផ្លូវជាតិលេខ ៥ សង្កាត់ព្រែកព្នៅ ខណ្ឌព្រែកព្នៅ រាជធានីភ្នំពេញ ដោយជនសង្ស័យឈ្មោះ កៅ យឿន បានប្រើឲ្យឈ្មោះ អ៊ូ ណាង ភេទ ប្រុស ជាអ្នករត់ម៉ូតូឌុប មកទទួលជនសង្ស័យឈ្មោះ អាស៊ិច នៅវេលាម៉ោង ១៧:៣០នាទី ក្រុមប្រតិបត្តិការបានធ្វើការឃាត់ខ្លួនឈ្មោះ អ៊ូ ណាង ហើយបន្តឲ្យឈ្មោះ អ៊ូ ណាង នាំទាក់ទងតាមរយៈទូរសព្ទ័ដៃឲ្យឈ្មោះ កៅ យឿន មករងចាំនៅមុខយឿត្រីព្រែកព្នៅ ទើបក្រុមប្រតិបត្តិការឈានដល់ធ្វើការឃាត់ខ្លួនជនសង្ស័យឈ្មោះ កៅ យឿន បាននៅចំណុចមុខយឿត្រីព្រែកព្នៅ ស្ថិតនៅភូមិពោធិ៍មង្គល សង្កាត់ព្រែកព្នៅ ខណ្ឌព្រែកព្នៅ រាជធានីភ្នំពេញ ។

បច្ចុប្បន្នជនសង្ស័យចំនួន ០៦នាក់ បានឃាត់ខ្លួននៅអធិការដ្ឋាននគរបាលខណ្ឌឫស្សីកែវ ដើម្បីចាត់នីវិធីធ្វើការសាកសួរយកចម្លើយ និងអាចឈានដល់ការបន្តនីតិវិធីបន្ថែមទៀត ។