ឃាត់ខ្លួនជនសង្ស័យម្នាក់ ពាក់ពន័្ធករណីគ្រឿងញៀន
ខេត្តព្រះសីហនុ៖ នៅថ្ងៃអាទិត្យ ទី០៣ ខែតុលា ឆ្នាំ២០២១ ដោយមានការដឹកនាំបញ្ជារ ពីសំណាក់ លោកឧត្តមសេនីយ៍ទោ ជួន ណារិន្ទ ស្នងការនគរបាលខេត្តព្រះសីហនុ កម្លាំងនគរបាលជំនាញប្រឆាំងគ្រឿងញៀន នៃអធិការដ្ឋាននគរបាលស្រុកកំពង់សីលា បានធ្វើប្រតិបត្តិការបង្ក្រាបករណីគ្រឿងញៀន កាលពីថ្ងៃទី០២ ខែតុលា ឆ្នាំ២០២១ វេលាម៉ោង ១៥:៣០នាទី ក្នុងនោះមានជនសង្ស័យចំនួន០១នាក់ ត្រូវបានឃាត់ខ្លួន នៅចំណុចភូមិថ្មី ឃុំកំពង់សីលា ស្រុកកំពង់សីលា ខេត្តព្រះសីហនុ ។
ជនសង្ស័យដែលកម្លាំងនគរបាលជំនាញឃាត់ខ្លួនបានមានឈ្មោះ ឆឹល សាន ភេទ ប្រុស អាយុ ១៧ឆ្នាំ ជនជាតិខ្មែរ មុខរបរមិនពិតប្រាកដ ទីលំនៅបច្ចុប្បន្ន ភូមិវាល ឃុំកំពង់សីលា ស្រុកកំពង់សីលា ខេត្តព្រះសីហនុ ។
សម្ភារៈវត្ថុតាងដកហូតបានរួមមាន:
១-ម្សៅក្រាមសថ្លាសង្ស័យសារធាតុញៀនចំនួន ០១កញ្ចប់
២-ទូរស័ព្ទដៃចំនួន ០១គ្រឿង
៣-ជញ្ជឹងថ្លឹងគ្រឿងញៀនចំនួន ០១គ្រឿង ។
បច្ចុប្បន្នជនសង្ស័យរួមទាំងវត្ថុតាងខាងលេីត្រូវបាននគរបាលជំនាញកសាងសំណុំរឿងបញ្ជូនទៅស្នងការដ្ឋាននគរបាលខេត្តព្រះសីហនុ ដើម្បីចាត់ការតាមនីតិវិធីច្បាប់ ៕
