រថយន្តធុនត្រា បុករះកន្លែងអ្នកលក់គោដុត ស្លាប់៤នាក់ និង២នាក់ទៀតរងរបួសធ្ងន់

ភ្នំពេញ ៖ បុរសម្នាក់បើករថយន្តធុនត្រាបុករះកន្លែងអ្នកលក់គោដុត បណ្តាលឲ្យមនុស្សស្លាប់៤នាក់នឹងកន្លែងកើតហេតុភ្លាមៗ និង២នាក់ទៀត កំពុងតែនៅសង្រ្គោះបន្ទាន់ កាលពីវេលាម៉ោង ១០ និង ២០នាទីយប់ថ្ងៃទី១៦ ខែតុលា ឆ្នាំ ២០២១ ស្ថិតនៅតាមបណ្ដោយផ្លូវវេងស្រេង ក្នុងសង្កាត់ចោមចៅទី១ ខណ្ឌពោធិ៍សែនជ័យ រាជធានីភ្នំពេញ។

មុនកើតហេតុដោយពួកគាត់បានឃើញបុរស២នាក់ បានបើករថយន្តប្រភេទធុនត្រាស៊េរីទំនើបមួយគ្រឿង ពណ៌ខ្មៅពាក់ផ្លាកលេខភ្នំពេញ 2AG-7060 បើកបរតាមបណ្ដោយផ្លូវវេងស្រេង ក្នុងទិសដៅពីកើតមកលលិចក្នុងល្បឿនយ៉ាងណា ខណៈមកដល់ចំណុចកើតហេតុ ជាប់និងរបងធនាគារកាណាឌីយ៉ា បានរេចង្កូតបុកចូលកន្លែងអ្នកលក់គោដុត និងអ្នកជិះម៉ូតូបណ្តាលឲ្យបុ.កត្រូវមនុស្សប៉ើង ទៅមុខជាច្រើនម៉ែត្រស្លា.ប់យ៉ាងអាណោចអាធ័ម ចំណែកមនុស្ស៣នាក់ទៀត បានរងរបួសធ្ងន់ ត្រូវបានរថយន្តសាមុយដឹកយកទៅសង្រ្គោះបន្ទាន់ភ្លាមៗ។

ក្រោយកើតហេតុ សមត្ថកិច្ចមូលដ្ឋានបានចុះមកដល់ ទីតាំងកន្លែងកើតហេតុ វាយខ្នោះម្ចាស់រថយន្តបង្ក និងអ្នករួមដំណើរយកទៅអធិការដ្ឋាននគរបាលខណ្ឌពោធិ៍សែនជ័យ៕