អភិបាលខណ្ឌទួលគោកនាំយក អំណោយអភិបាល រាជធានីភ្នំពេញ មកឧបត្ថម្ភដល់ លោកតា លោកយាយ ប្រជាពលរដ្ឋ អបអរសាទរទិវាមនុស្សចាស់កម្ពុជា

ភ្នំពេញ៖នៅថ្ងៃទី១៨ ខែតុលា ឆ្នាំ២០២១ រដ្ឋបាលខណ្ឌទួលគោក បានរៀបចំ ពិធីសំណេះសំណាលជាមួយលោកតា លោកយាយ ដើម្បីអបអរសាទរទិវាមនុស្សចាស់កម្ពុជា ក្រោមប្រធានបទ ស្ដីពី “ចូលរួមគាំទ្រសុខុមាភាពមនុស្សចាស់គឺជាកត្តាដ៏សំខាន់ក្នុងការអនុវត្តន៍ប្រព័ន្ធគាំពារសុខុមាលភាពមនុស្សគ្រប់វ័យក្នុងសង្គមជាតិកម្ពុជា” ក្រោមអធិបតីភាព លោក ជា ពិសី អភិបាលខណ្ឌទួលគោក និងមានការអញ្ជើញចូលរួមពី លោក លោកស្រី អភិបាលរង ខណ្ឌ លោកនាយករដ្ឋបាលខណ្ឌ និង លោក លោកស្រី ប្រធានការិយាល័យ។

ក្នុងឱកាសនេះ អំណោយដ៏ថ្លៃថ្លារបស់ លោក ឃួង ស្រេង អភិបាលរាជធានីភ្នំពេញ ដែលបានផ្តល់ជូនតាមរយៈ រដ្ឋបាលខណ្ឌទួលគោក ត្រូវបាននាំយកឧបត្ថម្ភដល់ លោកយាយ លោកតា ដោយក្នុងម្នាក់ៗ ទទួលបាន ៖ អង្ករ ២៥ គ.ក មី ១ កេស ត្រីខ ១ យួរ ទឹកដោះគោឆៅ ១ យួរ ស្ករស ១ គ.ក ក្រមា ១ និងថវិកាចំនួន ៥០,០០០រៀល៕