ជនល្បីតាម TikTok នាង សុខា ត្រូវនគរបាលក្រុងសួង ឃាត់ខ្លួន ក្រោយលួចទូរស័ព្ទ យកទៅបញ្ចាំ
ខេត្តត្បូងឃ្មុំ ៖ ជនល្បីតាម TikTok នាង សុខា ត្រូវនគរបាលក្រុងសួង ខេត្តត្បូងឃ្មុំ ឃាត់ខ្លួន ក្រោយលួចទូរស័ព្ទ យកទៅបញ្ចាំតម្លៃ ១០ម៉ឺនរៀល។
ជនសង្ស័យ ឈ្មោះ ថន សុខា ភេទស អាយុ២៨ ជាតិខ្មែរ រស់នៅ ភូមិជ្រួយ សង្កាត់វិហារលួង ក្រុងសួង ខេត្តត្បូងឃ្មុំ បានប្រព្រឹត្តករណី លួច (ទូរស័ព្ទ) នៅថ្ងៃទី១៨ ខែវិច្ឆិកា ឆ្នាំ២០២១ ហើយយកទៅបញ្ចាំតម្លៃ ១០ម៉ឺនរៀល។
បើតាមរបាយការណ៍ បានឲ្យដឹងថា នៅថ្ងៃទី១៨ ខែវិច្ឆិកា ឆ្នាំ២០២១ វេលាម៉ោង ១១:០០នាទី នៅចំណុចភូមិ ជ្រួយ សង្កាត់ វិហារលួង ក្រុងសួង ខេត្តត្បូងឃ្មុំ មានករណី លួចទូរស័ព្ទ មួយកេីតឡេីងប្រព្រឹត្តិដោយជនសង្ស័យ ឈ្មោះ ថន សុខា ភេទស្រី អាយុ២៨ឆ្នាំ ជាតិខ្មែរ មានទីលំនៅភូមិកើតហេតុខាងលើ បានធ្វើសកម្មភាព ដេីរចូលទៅលួចយកទូរស័ព្ទមួយគ្រឿងម៉ាក Redmi ១០ ពណ៌ខៀវប្រេីលេខ០៨៦ ២១៦២៨៣ របស់ជនរងគ្រោះឈ្មោះ រ៉ុម ស្រីពៅ ស្រី អាយុ៣៨ ជាតិខ្មែរ មានទីលំនៅភូមិជាមួយគ្នា ខណះពេលជនរងគ្រោះទុកទូរស័ព្ទនៅនឹងកូនហេីយចំហទ្វារផ្ទះ។
បើតាមចំលើយសារភាពទៅកាន់សមត្ថកិច្ច ឈ្មោះ ថន សុខា ដែលគ្រប់គ្នានិយមប្រើប្រាស់បណ្តាញសង្គម TikTok បានស្គាល់ មានគណនីឈ្មោះ សុខា បានសារភាពថាខ្លួនពិតជាបានលួចពិតមែន ហើយយកទៅបញ្ចាំក្នុងតម្លៃ ១០មុឺនរៀល ក្នុងហេតុផលថា ជារបស់បងប្អូនឲ្យ យកមកបញ្ចាំទិញបាយហូប។
បើតាមលោកវរៈសេនីយ៍ឯក ឈន សុធន អធិការក្រុងសួង ឲ្យដឹងថា ក្រោយពីទទួលបានពត៌មាន ជំនាញអធិការដ្ឋាននគរបាលក្រុង សហការជាមួយ ប៉ុស្តិ៍នគរបាលរដ្ឋបាលវិហារលួង ចុះដល់កន្លែងកើតហេតុ ធ្វើការពិនិត្យអង្កេតស្រាវជ្រាវ ឃាត់ខ្លួនជនសង្ស័យ កសាងសំណុំរឿងបញ្ជូនទៅតុលាការ អនុវត្តន៍តាមនីតិវិធី៕
