ធនាគារជាតិនៃកម្ពុជា ចេញសារាចរណែនាំ ពីការអនុវត្តចំពោះមូលបត្ររដ្ឋ ដែលកាន់កាប់ ដោយគ្រឹះស្ថានធនាគារ និងហិរញ្ញវត្ថុ

ភ្នំពេញ៖ ធនាគារជាតិនៃកម្ពុជា បានចេញសារាចរណែនាំ ស្តីពីការអនុវត្តចំពោះ មូលបត្ររដ្ឋដែលកាន់កាប់ ដោយគ្រឹះស្ថានធនាគារ និងហិរញ្ញវត្ថុ។ នេះបើតាមសារាចរនៅថ្ងៃទី៣០ ខែធ្នូនេះ។

ក្នុងគោលបំណងរួមចំណែក ក្នុងការអភិវឌ្ឍមូលបត្ររដ្ឋ សំដៅអភិវឌ្ឍទីផ្សារហិរញ្ញវត្ថុ ជំរុញការធ្វើពិពិធកម្ម ការកៀរគរប្រភពទុនក្នុងស្រុក និងពង្រឹងការអនុវត្ត គោលនយោបាយរូបិយវត្ថុ ធនាគារជាតិនៃកម្ពុជា សូមណែនាំការអនុវត្ត ចំពោះមូលបត្ររដ្ឋដែល កាន់កាប់ដោយគ្រឹះស្ថានធនាគារ និងហិរញ្ញវត្ថុដូចខាងក្រោម៖

១៖ ទទួលស្គាល់ការថ្លឹងហានិភ័យ០% (សូន្យភាគរយ)ចំពោះមូលបត្ររដ្ឋដែលចារឹកជា។ រូបិយវត្ថុជាតិ ឬជារូបិយបណ្ណ ក្នុងការគណនា អនុបាតសាធនភាព។

២៖ ទទួលស្គាល់ជាទ្រព្យសកម្មសន្ទនីយ ដែលមានគុណភាពខ្ពស់ ចំពោះមូលបត្ររដ្ឋ ដែលចារឹក ជារូបិយវត្ថុជាតិ ឬ ជារូបិយបណ្ណ នៅក្នុងការគណនា អនុបាតក្របខ័ណ្ឌសន្ទនីយភាព។

សារាចរណែនាំនេះមាន ប្រសិទ្ធភាពអនុវត្ត ចាប់ពីថ្ងៃចុះហត្ថលេខានេះតទៅ៕