ជិះកង់មកលួចម៉ូតូ បានហើយ ទៅឌុបបក្ខពួកមក ត្រឡប់មកយកកង់វិញ ត្រូវកម្លាំង នគរបាលខណ្ឌប្ញស្សីកែវ ឃាត់ខ្លួន

ភ្នំពេញ ៖ នៅវេលាម៉ោង៤ល្ងាច ថ្ងៃទី០៤ ខែមករា ឆ្នាំ២០២២ កម្លាំងនគរបាលខណ្ឌប្ញស្សីកែវ ឃាត់ខ្លួនជនសង្ស័យ២នាក់ លួចម៉ូតូ នៅចំណុចបន្ទប់ជួលផ្លូវបេតុងក្រុមទី៦ ភូមិទួលសំពៅ សង្កាត់ទួលសង្កែទី១ ខណ្ឌឬស្សីកែវ ។

លោក ហ៊ាង ថារ៉េត អធិការខណ្ឌ បានអោយដឹងថា ជនរងគ្រោះឈ្មោះ យាន ឆេងម៉េង ភេទស្រី អាយុ២៦ឆ្នាំជនជាតិខែ្មរ មុខរបរនៅផ្ទះ ស្នាក់នៅបន្ទប់ជួលកើតហេតុខាងលើ ។

ចំណែក ជនសង្ស័យឈ្មោះ សេង រ៉ា ភេទប្រុស អាយុ២១ឆ្នាំ មុខរបរ មិនពិតប្រាកដ ស្នាក់នៅបន្ទប់ជួល ក្រុម១ ផ្លូវរថភ្លើង ភូមិបាក់ទូក សង្កាត់ទួលសង្កែទី១ ខណ្ឌឬស្សីកែវ (មានសារធាតុញៀន) អវិជ្ជមានកូវីត ។ និងម្នាក់ទៀត ឈ្មោះហ៊ូ ដារ៉ារស្មី ភេទប្រុស អាយុ២១ឆាំ្ន មុខរបរសនិ្តសុខក្រុមហ៊ុន សា្នក់នៅបន្ទប់ជួល សងា្កត់បឹងកក់១ ខណ្ឧទួលគោក (មានសារធាតុញៀន) អវិជ្ជមានកូវីត ។

សមត្ថកិច្ច បានដកហូតវត្ដុតាង រួមមាន:
១-ម៉ូតូ០១គ្រឿងម៉ាកSUZUKI NEX ពណ៍ទឹកប្រាក់ សា្លកលេខភ្នំពេញ1HK2540 ( របស់ជនរងគ្រោះ បានប្រគល់អោយវិញ ) ។
២-ដែកសំប៉ែតកែឆ្នៃចំនួន ០១
៣-កង់តួរប្រុសពណ៍សរចំនួន០១គ្រឿង របស់ជនសង្ស័យ ។

សមត្ថកិច្ច បន្តថា នៅថ្ងៃទី០៤ ខែមករា ឆ្នាំ២០២១ វេលាម៉ោង១៣និង៣០នាទី នៅចំណុចបន្ទប់ជួលក្រុម៦ ផ្លូវបេតុង ភូមិទួលសពៅ សងា្កត់ទួលសងែ្ក១ មានជនសង្ស័យមា្នក់ បានជិះកង់មួយគ្រឿង មកធើ្វសកម្មភាពលួចឆ្កិះសោរ កុងតាក់ម៉ូតូ០១គ្រឿងម៉ាក NEX នៅមុខបន្ទប់ជួល ជនរងគ្រោះបានហើយជិះគេចខ្លួនបាត់ បន្សល់ទុកកង់០១គ្រឿងរបស់ជនសង្ស័យ ។ លុះនៅវេលាម៉ោង ១៦:០០នាទីថៃ្ងខែឆាំ្នដដែល ជនសង្ស័យ ក៏ត្រលប់មកវិញ ជិះម៉ូតូរបស់ជនរងគ្រោះមានគា្ន០២នាក់ មកយកកង់ដែលទុកចោល នៅក្បែរបន្ទប់ជួលជនរងគ្រោះ ជនរងគ្រោះបានឃើញម៉ូតូរបស់ខ្លួន ក៏ស្រែកចោរៗ ស្របកំលាំងប៉ុស្តិ៍កំពុងល្បាតក្បែរកន្លែងកើតហេតុ ក៏ចេញជួយអន្តរាគមន៍ និងឃាត់បានជនសង្ស័យ០២នាក់ យកមកប៉ុស្តិ ដើម្បីអនុវត្តតានិតិវិធី ៕