នគរបាលខណ្ឌប្ញស្សីកែវ ឃាត់ខ្លួនជនសង្ស័យម្នាក់ ពីបទលួចដែកបង្កាន់ដៃផ្ទះ

ភ្នំពេញ ៖ នគរបាលខណ្ឌប្ញស្សីកែវ ឃាត់ខ្លួនជនសង្ស័យម្នាក់ ពីបទលួចដែកបង្កាន់ដៃផ្ទះ នៅចំណុចផ្ទះទុកចោលលេខ ០៩ខេ ផ្ទះ១៨០០ ភូមិទួលពពែ សង្កាត់ទួលសង្កែទី២ ខណ្ឌឬស្សីកែវ រាជធានីភ្នំពេញ នៅថ្ងៃទី០៨ ខែមករា ឆ្នាំ២០២២ នៅវេលាម៉ោង ១៦៖៣០នាទី ។

លោក ហ៊ាង ថារ៉េត អធិការខណ្ឌ បានអោយដឹងថា ជនរងគ្រោះឈ្មោះ ស៊ូ ហាតួ ភេទ ប្រុស អាយុ៣០ឆ្នាំ បច្ចុប្បន្នស្នាក់នៅនៅផ្ទះលេខ៨២២ ផ្លូវ០៥ ភូមិ ច្រាំងចំរេះទី២ សង្កាត់ច្រាំងចំរេះទី២ ខណ្ឌប្ញស្សីកែវ រាជធានីភ្នំពេញ ។

ចំណែកជនសង្ស័យឈ្មោះ ឆន សុវណ្ណារ៉ា ភេទប្រុស អាយុ៣១ឆ្នាំ មុខរបរ មិនពិតប្រាកដ ស្នាក់នៅបន្ទប់ជួល ភូមិទួលគោក សង្កាត់ទួលសង្កែទី១ ខណ្ឌប្ញស្សីកែវ រាជធានី ភ្នំពេញ។ ចំណែកជនសង្ស័យម្នាក់ទៀត បានគេចខ្លួនបាត់ ។ ហើយសម្ភារៈដកហូតដែល សង្ស័យលួចមាន ដែកបង្កាន់ដៃចំនួន ៥ផ្ទាំងមានប្រវែង ១០ ម៉ែត្រ។

ដំណើររឿងមុនពេលកើតហេតុ: នៅថ្ងៃទី ០៨ខែ មករា ឆ្នាំ២០២២ វេលាម៉ោង ១៥និង៣០ នាទី មានជនសង្ស័យមានគ្នា០២នាក់ បានធ្វើធ្វើសម្មភាព លួចកាច់បង្កាន់ដៃដែកអុីណុកផ្ទះ ដែលទុកចោលមួយកន្លែង ស្របពេលកម្លាំងសមត្ថកិច្ចប៉ុស្តិ៍ និងខណ្ឌកំពុងល្បាតក៏បានប្រទះឃើញ ជនសង្ស័យកំពុងធ្វើសម្មភាព ក៏បានឃាត់ខ្លួនបាន០១នាក់ ចំណែកជនសង្ស័យម្នាក់ទៀត បានរត់គេចខ្លួនបាត់ ហេីយជនសង្ស័យដែល បានឃាត់ខ្លួនយកមកសួរនាំ នៅប៉ុស្តិ៍នគរបាលរដ្ឋបាលទួលសង្កែទី២ ដើម្បីកសាងសំណុំរឿង បញ្ជូនជនសង្ស័យទៅ សាលាដំបូងរាជធានីភ្នំពេញ តាមនីតិវិធី ៕