ទីក្រុងព្រៃនគរ ជាអតីតទឹកដី របស់ប្រទេសកម្ពុជា មុនឆ្នាំ១៨៥៩
ភ្នំពេញ៖ យើងម្នាក់ៗកម្ររបានឃើញណាស់ ទិដ្ឋភាពទីក្រុងព្រៃនគរ កម្ពុជាក្រោម ក្នុងឆ្នាំ១៩៤០ក្រោម អាណានិគមបារាំងសែស នៃសម័យកាល រីកចម្រើននៅ តំបន់ឥណ្ឌូចិន ក្រុងព្រៃនគរ ជាអតីតទឹកដី របស់ប្រទេសកម្ពុជា។
យោងតាមឯកសារចាស់ៗក្រុងព្រៃនគរ មានឈ្មោះថា សៃហ្គន (Saigon) ក្នុងសម័យយួនខាងត្បូង អាធីវគីកាន់កាប់។ព្រៃនគរ ជាទីក្រុងដ៏សំខាន់ និងជាទីប្រជុំកិច្ចការនៃរដ្ឋការធំនៅក្នុងដែនកម្ពុជាក្រោម និងជាអតីតកំពង់ផែពាណិជ្ជកម្ម ដ៏សំខាន់មួយនៃអាណាចក្រខ្មែរ មុនពេលជនជាតិ យួនភៀសខ្លួនមករស់នៅក្នុងអំឡុងសតវត្សរ៍ទី១៧ ។
ក្រោយពេល ស្តេចខ្មែរ ព្រះបាទ ជ័យជេដ្ឋាទី២ (១៥៧៣–១៦២៧) បានរៀបអភិសេកជាមួយស្នំស្តេច យួនមក ព្រៃនគរ ត្រូវបានជនជាតិយួនហៅថា ខេត្តយ៉ាឌិន នាឆ្នាំ១៧៩០ តាមស្តេចឈ្មោះ ង្វៀង-អាញ់ ។
ក្រោយពេលបារាំង កាន់កាប់ បានទីក្រុងព្រៃនគរ នាឆ្នាំ ១៨៥៩ នៅថ្ងៃទី ១៥ ខែមីនា ឆ្នាំ ១៨៧៤ ប្រធានាធិបតីបារាំង បានចេញបទបញ្ជាមួយក្នុងការបង្កើត ព្រៃនគរ ទៅជាទីក្រុងសៃហ្គន។ ក្នុង សម័យអាណានិគមនិយមបារាំង ព្រៃនគរ ជាមជ្ឈមណ្ឌល ដ៏សំខាន់ មិនត្រឹមតែពាណិជ្ជកម្មទេវាថែមទាំងជា មជ្ឈមណ្ឌលរដ្ឋបាល វប្បធម៌ និង អប់រំ ទូទាំងសហព័ន្ធឥណ្ឌូចិន និងត្រូវបានគេចាត់ទុកថាជា «ទីក្រុងប៉ារីសនៃ បូព៌ាប្រទេស» (Paris in the Orient) ៕
