ប៉ូលិសចាប់ខ្លួនកូន ដែលកាប់ឪពុកចុង ព្រោះមកពីវាយធ្វើបាប ម្តាយខ្លួនជារៀងរាល់ថ្ងៃ និងចេះធ្វើអំពើអាបធ្មប់

កំពង់ស្ពឺ ៖ កាលពីយប់ថ្ងៃទី១០ ខែមករា ឆ្នាំ២០២២ មានករណីឃាតកម្ម កូនយកកាំបិតកាប់ឪពុកចុង ត្រូវចំកញ្ចឹងក ពេលដែលកំពុងអង្គុយលើម៉ូតូ មើលគេរាំធុងបាស់ ក្នុងពិធីបុណ្យដាលាន នៅរោងប្រជុំភូមិស្រែកិន ឃុំត្រពាំងជោរ ស្រុកឱរ៉ាល់ ខេត្តកំពង់ស្ពឺ។ ប៉ូលិសស្រុកឪរ៉ាល់ បានស្រាវជ្រាវចាប់ខ្លួនជនសង្ស័យម្នាក់នោះ កាលពីថ្ងៃទី១២ ខែមករា ឆ្នាំ២០២២ នៅចំណុចភូមិស្រែកិន ឃុំត្រពាំងជោរ ស្រុកឱរ៉ាល់ ខេត្តកំពង់ស្ពឺ។

លោកវរសេនីយ៍ឯក ប៊ុត ប៊ុនធឿន អធិការនគរបាលស្រុកឱរ៉ាល់ បានឲ្យដឹងថា ជនសង្ស័យឈ្មោះ ផ្លេង កំសត់ អាយុ១៨ឆ្នាំ ចំណែកឪចុងឈ្មោះស្រី វ៉ាត ហៅ ឆូវ អាយុ៤៤ឆ្នាំ ។

ជនសង្ស័យបានសារភាពថា មូលហេតុ ដោយសារ ឪពុកចុង តែងតែវាយធ្វើបាបម្តាយខ្លួនជារៀងរាល់ថ្ងៃ និងចេះធ្វើអំពើអាបធ្មប់ ។

ជនសង្ស័យ ត្រូវបានកម្លាំងព្រហ្មទណ្ឌនគរបាលស្រុកឱរ៉ាល់ បញ្ជូនខ្លួនទៅស្នងការដ្ឋាននគរបាលខេត្តកំពង់ស្ពឺ ចាត់កាបន្តតាមនីតិវិធី៕