រដ្ឋបាលខេត្តព្រះសីហនុ រំលែកមរណទុក្ខ ចំពោះមន្ត្រីយោធាពីរនាក់ ឋាន:ជាពលបាលឯក បានបាត់បង់ជីវិត ខណ:កំពុងហ្វឹកហាត់បា.ញ់គ្រាប់ពិត
ខេត្តស្ទឹងត្រែង ៖ មន្ត្រីយោធាពីរនាក់ ឋាន:ជាពលបាលឯក បានស្លា.ប់បាត់បង់ជីវិតភ្លាមមួយរំ.ពេច នៅហ្នឹងកន្លែង ខណ:កំពុងហ្វឹកហាត់បា.ញ់គ្រាប់ពិត ប្រភេទគ្រាប់ផ្លោង នៅទីលានបា.ញ់គ្រាប់ពិត ចំណុចអូរតាឡាស់ ស្រុកថាឡាបរិវ៉ាត់ ខេត្តស្ទឹងត្រែង កាលពីថ្ងៃទី ១៤ មករា ឆ្នាំ២០២២។
ប្រភពពីយោធា ឱ្យដឹងថា ករណីស្លា.ប់នេះ ដោយសារតែគ្រាប់ មិនចេញមកខាងក្រៅ បានផ្ទុះនៅក្នុងកាណុង ធ្វើឱ្យកាណុងកាំ.ភ្លើងផ្ទុះរយះ បណ្តាលឱ្យយោធាទាំងពីរនាក់ស្លា.ប់ ដោយដា.ច់ខ្លួនជាកំ.ណាត់ៗ យ៉ាងអាណោចអាធ័មបំផុត។
ក្នុងសារលិខិតរំលែកមរណទុក្ខ សូមគោរពជូន ឯកឧត្តមឧត្តមសេនីយ៍ឯកបណ្ឌិត ហ៊ុន ម៉ាណែត អគ្គមេបញ្ជាការរង នៃកងយោធពលខេមរភូមិន្ទ និងជាមេបញ្ជាការកងទ័ពជើងគោក រដ្ឋបាលខេត្តព្រះសីហនុ បានឲ្យដឹងថា ក្នុងនាមក្រុមប្រឹក្សាខេត្ត គណៈអភិបាលខេត្ត មន្ត្រីរាជការ កងកម្លាំងប្រដាប់អាវុធ ទូទាំងខេត្តព្រះសីហនុ និងក្នុងនាមខ្លួនខ្ញុំផ្ទាល់ សូមសម្តែងនូវសេចក្តីសោកស្តាយយ៉ាងក្រៃលែង និងចូលរួមរំលែកមរណទុក្ខដ៏ក្រៀមក្រំ ជាមួយក្រុមគ្រួសារ និងញាតិមិត្តចំពោះការបាត់បង់ជីវិតរបស់ មន្ត្រីយោធា ឋានន្តរស័ក្តិ ពលបាលឯកចំនួន ២រូប ក្នុងពេលហ្វឹកហាត់បា.ញ់គ្រាប់ពិត ប្រភេទគ្រាប់ផ្លោង នៅទីលានបា.ញ់គ្រាប់ពិត ចំណុចអូរតាឡាស់ ស្រុកថាឡាបរិវ៉ាត់ ខេត្តស្ទឹងត្រែង កាលពីថ្ងៃទី១៤ ខែមករា ឆ្នាំ២០២២។
ឯកឧត្តម គួច ចំរើន អភិបាលខេត្តព្រះសីហនុ បានថ្លែងសារលិខិតរំលែកមរណទុក្ខថា ការទទួលមរណភាពរបស់ មន្តីយោធាទាំងពីររូប គឺជាការបាត់បង់ដ៏ធំធេងនូវស្វាមី បងប្អូន និង កូនជាទីស្រឡាញ់ប្រកបដោយគន្លងធម៌របស់មាតាបិតា ព្រមទាំងជាការបាត់បង់ នូវធនធានមនុស្សដ៏ឆ្នើម ដែលបានលះបង់កម្លាំងកាយ កម្លាំងចិត្ត និងប្រាជ្ញាស្មារតី ចូលរួមចំណែកក្នុងវិស័យការពារជាតិ បម្រើជាតិមាតុភូមិ និង ប្រជាជន៕
