ឡានបុកម៉ូតូ ស្លាប់ម្នាក់ នៅកៀនស្វាយ

កណ្ដាល៖លោកព្រុំ សំណាង អធិការប៉ូលិសស្រុកកៀនស្វាយ បានអោយដឹងថា ករណីគ្រោះថ្នាក់ចរាចរណ៌ផ្លូវគោក រវាងរថយន្តធន់ធំបុក ជាមួយម៉ូតូបណ្តាល អោយមនុស្សស្លាប់ម្នាក់ និងខូចខាតម៉ូតូ០១គ្រឿង និងរថយន្ត ០១គ្រឿងផងដែរ។
គ្រោះថ្នាក់ចរាចរណ៍នេះ បានកើតហេតុ នៅថ្ងៃទី១៧ខែមករា ឆ្នាំ២០២២នេះ
វេលាម៉ោង ០៩ នៅលើកំណាត់ផ្លូវជាតិលេខ១ ចន្លោះគីឡូម៉ែត្រ លេខ២៤-២៥ភ្នំពេញ អ្នកលឿង ស្ថិតនៅភូមិដីឥដ្ឋកោះផុស៣ ឃុំដីឥដ្ឋស្រុកកៀនស្វាយ ខេត្តកណ្តាល ។
.មានរថយន្ត០១គ្រឿង ធន់ធំសណ្តោងទូរកុងន័រ ម៉ាកFUSO
ពណ៍ប៉ៃតង ពាក់ផ្លាកលេខ ភ្នំពេញ3C-0512 បើកបរដោយឈ្មោះប៉ុល រ៉ាន ភេទប្រុស អាយុ៣៤ឆ្នាំ មានទីលំនៅភូមិសង្កែចុង ឃុំក្រាំងស្វាយស្រុកព្រះស្តេច ខេត្តព្រៃវែង បើកបរក្នុងទិសដៅអ្នកលឿង ភ្នំពេញ មកដល់ចំណុចកើតហេតុរថយន្តវ៉ាជែង បានបុកម៉ូតូ០១គ្រឿងម៉ាក HONDA.DREAM.C125 ពណ៍ខ្មៅ ស៊េរី2015 ពាក់ផ្លាកលេខភ្នំពេញ1FF7001 បើកបរដោយបុរសម្នាក់ ឈ្មោះស្រៀង វិសាល ភេទប្រុសអាយុ២៩ឆ្នាំមាន ទីលំនៅភូមិរាំងដេក ឃុំគគីរធំ ស្រុកកៀនស្វាយ ខេត្តកណ្តាល បើកបរក្នុងទិសដៅផ្ទុយគ្នា បណ្តាលអោយ អ្នកបើកបរម៉ូតូស្លាប់ នៅកន្លែងកើតហេតុ ចំណែកអ្នកបើកបររថយន្តធន់ធំ យកសួរនាំនៅ ប៉ុស្តិ៍នគរបាលឃុំដីឥដ្ឋ រថយន្តនិងម៉ូតូ កំលាំងជំនាញ នគរបាលចរាចរណ៍សណ្តាប់ធ្នាប់ ស្រុកកៀនស្វាយ ធ្វើការវាស់វែង យកមករក្សាទុកជាភស្ភតាង ដើម្បីបន្តនិតិវិធី រឺឯសពជនរងគ្រោះ កំពុងចាត់ចែង ប្រគល់ជូនក្រុមគ្រួសារ យកទៅធ្វើបុណ្យ៕