ឡុង សំណាង ឈ្នះ Pek Thieng ដាច់ឡើងគ្រងខ្សែក្រវាត់Wurkzរូវកាលទី១
ភ្នំពេញ:ទីបំផុតអ្នកប្រដាល់ឡុង សំណាងក្លិបសាលវ័ន្ដកីឡាបានឡើង គ្រប់គ្រងខ្សែក្រវាត់Wurkzរដូវកាលទី១ បន្ទាប់ពីប្រកួតផ្ដាច់ព្រ័ត្រលើសង្វៀន អាស៊ីអាគ្នេយ៍នារសៀលថ្ងៃទី៩កញ្ញាដោយបានយកឈ្នះអ្នកប្រដាល់ថៃ Pek Thiengដោយពិន្ទុនោះ ។
ស្ថានភាពនៃការប្រកួតមានលក្ខណៈតឹងតែងគ្រាន់បើដែរ តែទោះជាយ៉ាងណាក៏គេសង្កេត ឃើញថាសំណាងមានប្រៀប លើអ្នកប្រដាល់ថៃរូបនេះស្ទើរតែគ្រប់ទឹក ។សូមបញ្ជាក់ថាសំនាងមានប្រវត្តិប្រកួត ចំនួន៨០ដងឈ្នះ៦៧ដង ចាញ់១០ដង និងស្មើពិន្ទុ៣ដង ។ ចំពោះ Pek Thieng វិញមានប្រវត្តិប្រកួតចំនួន៦២ដង ឈ្នះ៥២ដង និងចាញ់១០ដង
ឯណោះ ។
សំណាងប្រើជង្គង់បានល្អតែល្បិចកាច់របស់គេចាញ់ Pek Thiengតែម្ដង ។ សំណាងចូលចិត្តប្រើកែងតែកែង របស់គេវ៉ៃចេញមិនរួចបៃវ៉ៃចេញ រួចក៏មិនចំគោលដៅដែរ ឯ ជង្គង់របស់គេវ៉ៃចេញមានប្រសិទ្ធិភាពគ្រាន់បើ ។
នៅក្នុងការប្រកួតផ្ដាច់ព្រ័ត្រនេះចៅក្រមទាំង ៥ រូបសុទ្ធតែផ្ដល់ពិន្ទុឲ្យ សំណាងឈ្នះគ្រប់ៗគ្នា ។ ជ័យជំនះនេះ ធ្វើឲ្យសំណាងក្លាយជាម្ចាស់ខ្សែក្រវាត់Wurk ទម្ងន់៦៣,៥០គីឡូក្រាមរដូវកាលទី១ ដែលមានប្រាក់រង្វាន់អមចំនួន
២០.០០០.០០០រៀល ។
ចំពោះPek Thieng ដែលគ្រងតំណែងជាជើងឯករងនោះ បានទទួលពានមួយអម ដោយប្រាក់រង្វាន់អមពានចំនួន១២.០០០.០០០រៀល ៕
