នគរបាលខណ្ឌប្ញស្សីកែវ ឃាត់ខ្លួនជនសកម្ម លួចទូរស័ព្ទសិស្ស
ភ្នំពេញ ៖ ក្រុមជនសកម្មក្នុងការដើរធ្វើ សកម្មភាព លូកកាបូបសិស្សតាមសាលា នៅក្នុងមូលដ្ឋានខណ្ឌប្ញស្សីកែវ ត្រូវបានកម្លាំង នគរបាលខណ្ឌ ប៉ុស្តិ៍ តាមប្រម៉ាញ់បង្ក្រាប និងឃាត់ខ្លួនបានម្នាក់ នៅថ្ងៃទី២១ ខែមករា ឆ្នាំ២០២២ វេលាម៉ោង ១១ និង ០០ នាទីនៅចំណុចមុខវិទ្យាល័យឫស្សីកែវ ផ្លូវបេតុង ក្រុុមទី៦ ភូមិមិត្តភាព សង្កាត់ឫស្សីកែវ ខណ្ឌឫស្សីកែវ។
លោក ហ៊ាង ថារ៉េត អធិការខណ្ឌ បានអោយដឹងថា ជនរងគ្រោះទី១ ឈ្មោះ ឈៀន ចាន់ត្រា ភេទស្រី អាយុ១៦ឆ្នាំ មុខរបរសិស្ស មានទីលំនៅផ្លូវបេតុង ភូមិបឹងឈូក សង្កាត់គ.ម៦ ខណ្ឌឫស្សីកែវ ។ និងជនរងគ្រោះទី២ ឈ្មោះ ចឹម ចាន់ណា ភេទស្រី អាយុ១៦ឆ្នាំ មុខរបរសិស្ស មានទីលំនៅផ្លូវបេតុង ភូមិមិត្តភាព សង្កាត់ឫស្សីកែវ ខណ្ឌឫស្សីកែវ រាជធានីភ្នំពេញ។
ចំណែកជនសង្ស័យឈ្មោះ ហ៊ុយ ពិសិដ្ឋ ភេទប្រុស អាយុ៣៥ឆ្នាំ មុខរបរអ្នកដឹកជញ្ជូន មានទីលំនៅផ្ទះលេខ១០ ផ្លូវ៦១២ ភូមិ២៣ សង្កាត់បឹងកក់ទី២ ខណ្ឌទួលគោក រាជធានីភ្នំពេញ (ប្រេីប្រាស់សារធាតុញៀន ឃាត់ខ្លួន) និងបក្ខពួកឈ្មោះ ស្រស់ ភេទប្រុស អាយុ២៥ឆ្នាំ និងឈ្មោះ ភក្តី ភេទប្រុស អាយុ២២ឆ្នាំ (គេចខ្លួន) ។
ក្នុងមានសំភារៈបាត់បង់
១-ទូរស័ព្ទមួយគ្រឿងម៉ាក Oppo ពណ៍ខៀវ លេខ ០១១៧៣៥២៣៤ (របស់ជនរងគ្រោះទី១)
២-ទូរស័ព្ទមួយគ្រឿងម៉ាក Oppo ពណ៍ខៀវ លេខ ០៩៦៤០៩៤៦៤៣ (របស់ជនរងគ្រោះទី២) ។
ក្រោយករបង្ក្រាប សមត្ថកិច្ចបានដកហូតសំភារៈ រួមមាន ៖ ១- ម៉ូតូមួយគ្រឿងម៉ាក HONDA ZOOMER X ពណ៍ស សេរីឆ្នាំ២០២០ ពាក់ស្លាកលេខ ភ្នំពេញ ១HU-៩០៩៤ លេខតួ+លេខម៉ាស៉ីន ៥១០២១៧៦
២- ទូរស័ព្ទមួយគ្រឿងម៉ាក iPhone XS Max ពណ៍មាស លេខ ០៩៣៤១៤៣៦១
៣- កាបូបប្រាក់មួយ ពណ៍ខ្មៅ មានប្រាក់ចំនួន ១៨៥,០០០ រៀល និងប្រាក់ ២០$ ។
សមត្ថកិច្ច បញ្ជាក់ថា នៅថ្ងៃកេីតហេតុខាងលើ ជនសង្ស័យ មានគ្នាចំនួន ០៣នាក់ បានធ្វេីសកម្មភាព លូកកាបូបសិស្សសាលា លួចយកទូរស័ព្ទ រួចឡេីងជិះម៉ូតូគេចខ្លួន តែត្រូវបាន សិស្សាសាលាឃេីញទាន់ ហេីយសមត្ថកិច្ចល្បាត ដេញតាមឃាត់ខ្លួនជនសង្ស័យ បាន០១នាក់ រួមនឹងម៉ូតូ នៅចំណុចផ្លូវបេតុង ភូមិទួលសង្កែ សង្កាត់ទួលសង្កែ១ នាំមកកាន់ប៉ុស្តិ៍ឫស្សីកែវ ចំណែកឯបក្ខពួក០២នាក់ទៀតគេចខ្លួនបាត់។
នៅចំពោះមុខផ្នែកជំនាញ កម្លាំងកំពុងធ្វេីការ សាកសួរយកចម្លើយ និងស្រាវជ្រាវរកបក្ខពួក ដើម្បីកសាងសំណុំរឿង បញ្ចូនទៅ សាលាដំបូងរាជធានីភ្នំពេញ ដេីម្បីអនុវត្តតាមនីតិវិធីច្បាប់ ៕
